海灘AGAIN

夏日將過去, 我們決定帶濤濤去多一次海灘, 因為機會實在太難得了﹗這次我們帶同澄澄家姐一齊去, 當然, 澄澄家姐也好開心, 佢話佢好鍾意去沙灘. 那天他們小朋友三人玩得十分開心﹗可惜係當天浪太大了. 未能一起暢泳, 只可以一齊玩沙.
很快夏天就過去了﹗濤濤下一年來沙灘時, 不知會否仍記得今年的情況呢﹗

三個小朋友玩沙情況.

出牙了

原來, 早前濤濤病了一週, 心情壞到極點﹗原因係佢真的出牙了﹗今天我用手輕觸他的牙肉, 我感到受到有牙出來. 好開心呢﹗好似有兩隻. 不過, 希望下一次出牙佢冇咁"炆憎"啦﹗

Dancing

近日發現了濤濤好喜歡聽到音樂後跳舞, 佢跳舞的動作好攪笑. 可能BB都係咁的呢﹗只是勁搖個身, 有時搖到失了平行. 好攪笑的﹗同大家分享一下啦﹗

9個月

九個月...我們的濤濤..........
1. 去過海灘玩沙及游水


2. 會爬了...



3. 開始好喜歡去玩


4. 識自己坐及食餅餅

5. 會發脾氣及打人

sick again

無啦啦﹗濤濤又發燒了, 明明應是好番了, 不知為什麼又發燒了. 這次病濤濤好"炆踭"成日發脾氣呀﹗不知為什麼, 總是少少事濤濤就發曬脾氣. 有好多人話可能出牙, 我們睇醫生話佢可能出玫瑰疹. 醫生話要燒幾日才知.

這次他燒了4天, 但要差不多6天才沒有再發脾氣. 但這事完了. 我們也不知他為什麼會這樣﹗因為什麼都沒有出.

希望濤濤身體健康. 因為佢病了, 我們也一點都不好過呢﹗

濤濤與堂細佬

這是濤濤的堂細佬-澈澈, 濤濤每次見到佢也會好開心的﹗有時澈澈喊, 濤濤會好似好疑惑的樣子望著澈澈, 之後, 就用開心的樣子叫澈澈, 感覺得叫佢不要喊, 一齊玩啦﹗好得意的﹗當然澈澈沒有因為濤濤的開心邀請變得冇喊, 更因為濤濤想同澈澈玩而用大力拍他, 令他喊得更多﹗

很希望他們兩個將來能成為好好的兄弟﹗加埋堂家姐-澄澄, 他們在主裡互相守望﹗

濤濤識爬了

濤濤識爬了, 不只是向後, 而是學會了向前. 不知是否病完後醒了, 還是每天在堂家姐家裡, 看到她走來走去, 激發了他去爬. 濤濤識爬這天. 佢好開心, 開心得好緊要. 我想係佢發現了自己可以周圍去, 好開心.

同大家分享一下佢爬的情況, 好似游水咁﹗哈哈.

第一天開始爬

濤濤開始爬第二天

濤濤開始爬第三天

入醫院

昨天晚上濤濤突然發高燒, 所以, 在零晨3點多. 我們決定帶他到醫院. bb發燒非同小可, 所以, 我們不用排隊, 很快便到濤濤睇醫生了. 醫生話濤濤應患上了獅吼症, 是氣管受到感染, 有機會令到bb呼吸唔到﹗所以, 佢建議濤濤留院觀察﹗這是濤濤人生中第一次住醫院哦﹗
在醫院中, bb的床好大張的, 濤濤想我陪佢"訓"所以, 我就同佢睡在同一張bb床中. 住醫院的時候, 濤濤好乖, 沒有太多吵鬧聲, 只是偶爾有一些喊聲. 可是隔離床的姐姐就不是了, 常常勁喊及大叫, 令到濤濤也睡不到﹗
好在, 濤濤經過6小時的發燒, 燒終於退了﹗醫生也話佢的情況也可以回家, 那天的晚上我們便回家了﹗濤濤食葯也算ok乖. 感謝神的保守﹗令佢咁快便冇事﹗

這是偵察濤濤呼吸的機器.

朋友仔

上週六有濤濤有機會識到新朋友, 濤濤都幾喜歡佢呀﹗他是比濤濤細1.5月的bb, 但他已出了牙仔及會爬了﹗真的令人擔心濤濤為什麼會咁遲還不會呢﹗但見佢同別人相處的態度, 好似又不錯﹗希望他能對別人好好的, 作個有禮貌的小朋友﹗

濤濤第一次見新朋友總是比較熱情﹗

濤濤勁like這玩具呀﹗

海灘

昨天, 我們帶同濤濤去海灘玩呀﹗這是濤濤第一次去海灘﹗不知濤濤會怎樣呢﹗
那天一早我們便出發了, 先去接埋濤濤的好朋友卓瑤, 之後, 我們便出法到石澳了﹗
那天天氣好好, 濤濤第一次玩沙一點也不怕, 食了一些也只是個樣變一下, 似咩事都冇咁, 之後去海到游水食了兩個浪, 跟住佢開始驚, 不過, 好在好快便冇事了.這天我見濤濤同卓瑤也玩得好開心﹗

我們在整裝待發﹗

濤濤在玩沙

因為濤濤沒有帽, 所以,問卓瑤借了一頂來用﹗有點女仔..但都ok la.


不知是否因為d水咸, 濤濤勁食那個水泡.


與卓瑤海中暢泳﹗


濤濤遇到他人生的第一個驚濤駭浪﹗