濤濤病了..

如果你問我在過去差不多兩年裡, 與濤濤相處中最令我覺得煩惱的事, 就是他很易便病﹗每月差不多也有一小病, 半年左右就一大病﹗家人有時說﹕『 嘩﹗你個仔咁易病嫁﹗』聽到時真的很不開心, 我都不想佢病的, 不過, 他們道出這個事實, 他確實易病﹗我想..佢病仲慘過我病﹗有一些人曾安慰我說﹕『病下未當儲多D抵抗力囉﹗』我想唯有咁諗﹗這才會安心點﹗
現在濤濤返學了, 病的情況更多了, 可能小朋友互相太過親密, 亦不懂去防備, 故病多了也是正常的﹗但我見到濤濤的同學, 有一些真的很健康, 在返學2個多月中, 未見過佢請病假, 也未見佢有任何流鼻水及咳﹗我真的好羡慕呢﹗問她/他的家人為什麼會這樣, 想睇下會不會在食療上做好一點﹗不過, 聽完其實也是同我們差不多﹗所以, 對我們沒有任何改更﹗但我常想...是否濤濤缺乏了什麼營養呢？是否我們在照顧中有任何做錯了呢？.....真的十萬個為什麼呀﹗我想...在短期內也不會想到...希望濤濤真的越大越健康啦﹗
今天濤濤有小小咳, 但他也堅持返學, 我有點開心, 因為他真的很喜歡返學, 但也覺得對其他小朋友唔住, 因為濤濤可能會傳染佢地...回到學校, 老師的回應也令我不好意思, 因為老師也不想其他小受友被傳染, 那是我明的. 下次我會堅持多一點﹗希望, 個個小朋友也能健健康康﹗

洗車

濤濤自返學後, 我們每週六都想為他找一些特別活動, 因為難得一天大家都在一起呀﹗
不過, 我們怎樣也想不到, 濤濤對爸爸的洗車最有興趣, 當第一次佢試過同爸爸一齊洗車後, 佢便愛上這活動了﹗我也覺得這親子活動很不錯. 又平又正﹗可以給濤濤有幫手的機會, 又可以教佢做下家務, 一舉多得﹗我想, 濤濤喜歡這活動是因可以玩水及有泡泡玩﹗

COOKING CLASS

又到週六, 又係到爺爺家的時候, 每次濤濤去爺爺嫲嫲家都好開心的, 可能因為有好多人同佢玩啦﹗而且, 佢又好喜歡表哥表姐家姐細佬, 所以, 佢成日都話要去嫲嫲家的﹗
今次, 爺爺為了讓大家有D野做下, 一齊開了曲奇餅班, 讓全部小朋友一齊做曲奇, 當然濤濤係唔知自己做咩的, 佢似當泥膠咁玩, 但你見到佢地個個很用心的做, 我想佢地應找到當中的樂趣的﹗


爺爺在教授大家中....

濤濤見到表哥好努力咁做, 佢都很用心﹗

焗好了﹗大家見到完成品好開心呀﹗

MAMA HOUSE

濤濤自返學後多了好多野講呀﹗有時自己自言自語, 有時就不斷同我地講野. 佢近日成日講"番來啦". 當我地問佢去邊時, 佢多數答MA MA HOUSE, 有時又會同我地講BYE BYE, 當我地問佢去邊, 佢又係答MA MA HOUSE, 好攪笑的﹗
昨天, 他開始改了, 不去MA MA HOUSE, 改了去爺爺HOUSE, 佢仲知答咩車喎﹗都幾得意﹗

打波

濤濤自小便喜歡波, 任何類型的波佢也是十分喜歡的﹗氣球, 籃球, 皮球, 網球.......沒有一種佢是不喜歡的, 所以, 我們家中也有不少不同種類的波. 濤濤很喜歡玩波, 並常以不同方法去玩.
而且, 佢好喜歡睇人籃球, 昨天晚上, 爸爸帶同濤濤及皮球一個去籃球場玩, 濤濤勁開心呀﹗
不知將來的濤濤會不會成為籃球選手呢？

濤濤學校生活的一天

學校開放日

上週六及週日是濤濤學校開放日呀﹗那天我們一早便到學校, 濤濤回到學校便很開心了, 我們參觀了不同的主題活動﹗濤濤超級積極參與, 我們當天也玩得很開心﹗
而且, 在參觀時也遇見不到同學仔, 濤濤見到佢地好開心呀﹗不時叫住佢地一齊玩﹗好有趣﹗


在玩探索遊戲.

在做小手工.

發現在光與顏色的關係

在做濤濤最喜歡的汽球.

濤濤第一次見到咁多不同的鼓, 好開心﹗


這是他們的小花園, 濤濤在話我地知, 老師點教佢淋花.

唱歌

濤濤近日開始會唱歌了﹗當我地唱歌時, 佢會跟住一齊唱, 雖然, 未唱到全句, 但你感受到, 佢努力在跟住﹗哈哈...好得意呀﹗佢現在最會的, 當然係學校D歌, 如:太陽伯伯, 吹大波波, 而英文歌, ABC及THE WHEEL ON THE BUS也是他十分喜愛的, 而且, 佢還會點歌呀﹗在睡前我們都會唱歌一番, 佢會叫我唱咩歌, 不可以亂唱的﹗^.^


雖然, 穎心表姐大聲D, 但濤濤也有跟住唱呀﹗