哥哥學校生日會

今天是濤濤學校生日會, 我與爸爸有幸能參加實在很開心﹗話咁快濤濤就2歲生日了﹗在學校開生日會是有點不同的, 濤濤見到我地已很開心了﹗再加埋一班同佢咁Friend 的同學仔, 真的很開心﹗
濤濤一見到我們便勁高興, 之後, 似想介紹比我地知做咩, 因為佢同學暉喬也是同月生日, 所以, 她的爸爸也在, 佢地兩個見到父母已很開心, 我想比起有咩生日禮物或蛋糕更開心﹗我們在學校除了一齊食蛋糕外, 我們還要預備禮物或小遊戲比佢地, 我們選了小遊戲, 爸爸預備的遊戲實在有點攪笑, 不過, 小朋友不知, 什麼也是開心的﹗那天濤濤話很開心, 我也期待每一年來學校開生日會﹗

12朝

今天是妹妹12朝, 按傳統今天是要派薑醋的日子, 故昨天我們及嫲嫲一起預備今天要用的薑醋﹗爸爸今次很用心去學怎樣預備薑醋, 都好, 因為今次佢在坐月中都冇咩幫過手, 等佢為妹妹做番D野啦﹗不過, 爸爸真的對COOKING有點天份的, 佢預備得不錯, 而且, 很有心機﹗希望佢能把他的廚藝傳給濤濤及曦曦﹗



第12天的妹妹, 又大了一點, 好像跟初初出世很不同, 很多親戚都話佢似哥哥, 但我又唔覺, 可能有一點神情似吧﹗有一些人話佢鼻以下似我, 但我又唔覺得. 我覺得妹妹有點似嫲嫲, 爸爸話又唔覺, 好在最後都有一兩個人認同我﹗不過, 其實似誰又有什麼重要, 因為妹妹是獨特的, 最近可能被爸爸影響得多, 我都常提住自己, 不可以將妹妹與濤濤比較, 因為他們真的各有不同﹗我要努力做好媽媽的角色, 用心去愛他們便可﹗

學交親子旅行

學校一年一度的親子旅行在今天舉行了, 地點是香港動植物公園. 今天天氣不錯, 因為前幾天都是下雨, 我都擔心去不成呀﹗好在今天有太陽呀﹗而且, 仲有點熱﹗
一早濤濤便與爸爸出發返學校集合, 與同學仔一同出發到目的地, 因為我仍在坐月中, 這次親子旅行我只能聽爸爸的轉述, 未能置身其中真的有點可惜﹗早上出門前, 我同濤濤一齊執袋, 佢想帶很多東西去, 例如:波, 車仔, 餅......, 佢執袋已很開心, 我估一會兒見到同學仔仲開心﹗
爸爸話濤濤成日都很開心, 可能因為佢見到同學仔吧﹗不過, 佢現在成日蝦其他小朋友, 爸爸話佢攪到同佢好朋友的朗喬喊, 又成日攞人D野, 老師話這個年紀很多時都係咁. 希望濤濤不會成為小霸王啦﹗
這旅行只是去半天, 雖然係咁, 爸爸已話好累了﹗濤濤回來我問佢今天做了咩, 佢答我坐巴士﹗哈﹗這是他最記得的部份﹗跟住佢係咁講D同學名, 可能話我知佢地有去啦﹗我想今天佢一定好開心﹗

玩親子遊戲.

為食的濤濤係咁食人地的生果.

佢好朋友之一婷婷﹗

第七天

妹妹今天第7天了, 這幾天與妹妹相處十分開心, 都有一段時間沒有湊咁細的BB了﹗而且, 妹妹出世比濤濤輕差不多2lbs, 實在有很大分別﹗
這幾天晚上妹妹都算合作, 每餐中我都有大約2-3小時睡, 好似比起濤濤時冇咁辛苦﹗其實, 我都忘記了那時湊濤濤的情況, 只是,仍記得是很辛苦﹗因為我記得我有想過把濤濤掉在垃圾筒中, 因為佢真的成日喊及成日要抱呀﹗妹妹呢？都喜歡抱, 而且, 有時更要一齊才肯睡, 但感覺上冇濤濤咁辛苦, 可能也因為已有心理上的準備吧﹗
和妹妹一齊不知為何有一種很sweet的感覺. 雖然,佢只是BB, 但總覺得她似會很體會我的感受的, 或者這就是女仔與男仔的分別﹗

哥哥兩歲了﹗

2歲了﹗今天濤濤兩歲了, 回想這兩年與濤濤生活真的很開心呀﹗感謝上帝給我一個咁可愛的寶寶﹗他是多麼天真單純, 他是多麼可愛傻瓜, 他是多麼乖巧聽話﹗願我多看到他的美好, 少看到他的缺點﹗現在的濤濤有點開始NAUGHT, 但願我有更多愛心, 關心去與他相處, 求主加添我的愛心, 尤其是現在有了妹妹, 讓我這個媽媽能學懂怎樣愛得公平﹗大家都開心成長﹗
求主祝福這個可愛的小天使﹗

妹妹@HOME

昨天妹妹從醫院回來了﹗妹妹在家中當然佢未知發生咩事, 希望佢會習慣這裡的狗叫, 喜歡我們這個家﹗
濤濤一放校回來, 一見到媽媽及妹妹在家十分開心, 一來, 媽媽已回家, 另外, 佢都幾喜歡妹妹的, 而且, 可能因為佢沒想到妹妹會送禮物比佢, 佢真係十分開心﹗但有時佢對妹妹真係太熱情了, 很大力的對妹妹, 有時我都有點擔心, 好在爸爸常常提醒, 要讓濤濤接觸妹妹, 唔係佢會唔喜歡妹妹﹗有時, 我真的忘記了而太擔心, 好在爸爸睇得到而提醒. 不過, 昨天不知是否濤濤真的太大力, 有點嚇到妹妹, 成晚妹妹都要抱住才肯呀﹗
妹妹都算易湊, 佢都好喜歡睡, 而且, 睡得都幾多, 只是食奶麻麻, 昨晚可以由1:30食奶食到3:00才完成60ML, 嘩, 比起哥哥真的好不同﹗但哥哥又沒有妹妹咁易睡及安靜, 真係各有各好, 而且, 又提提自己, 真的每個人都不同的﹗

同場加映, 濤濤坐小船玩氣球﹗

第三天

第三天了，妹妹今天樣子又不一樣了！

妹妹來了

今天是妹妹出世的大日子。

一早爸爸及我先一齊送濤濤返學，跟住便入醫院準備生妹妹。

這星期，不知濤濤是否知道妹妹將會到來，佢心情不太好，而且，老師都告訴我們，他在學校時心情也是麻麻，老師話以前都冇咁，這令到我也點擔心他的情況。所以，我同爸爸也十分緊張處理。希望濤濤不會因為妹妹到來而有很的影響！

剛才佢第一次見到妹妹，佢好開心，當大家話佢是哥哥，佢很開心地笑，而且，佢似好喜歡BB咁，加埋堂家姐澄澄及堂細佬澈澈一齊到來，令濤濤更自然地對待妹妹！

• 

  Cheery Wan ‎11年11月11出世的妹妹-黃靖曦，有6個1字，所以佢出世係6.1lbs。哈哈！

  
  

妹妹出世時是12：28分，當妹妹從個肚推出來一刻我真的好感動那一刻哭了，那是生哥哥時沒有的，可能因為今次個人清醒點。真的感謝神一直的保守帶領，雖然妹妹不是我想咁咁大仔，但佢一齊都安好，已十分不錯了！

介奶咀

濤濤自小便有個奶咀好朋友, 每天常常陪伴他﹗而且, 每每身體不適這位朋友就十分重要﹗常常陪伴他, 令他安然入睡﹗
其實, 我們常常想濤濤放棄這朋友, 可惜佢真的陪伴濤濤太久了, 雖然, 返學時已沒有用了, 但一不在學校的時間佢就要番這位好朋友﹗所以, 要佢遠離這朋友一點都不易﹗
上週日, 濤濤在教會遇上堂細佬-澈澈, 他當天因為沒有了奶咀而嬲了全部人, 我跟住同濤濤講, 佢都2歲了, 其實都不食奶咀, 跟住濤濤便把奶咀比了亞伯. 亞伯及伯娘那時便讚濤濤叻. 濤濤便很開心﹗不過, 之後就有點慘了﹗
那天不知濤濤知竞沒有奶咀, 故那天全天沒有睡覺, 跟住晚上, 哭了很久才能睡呀﹗而那天晚上也常常哭鬧, 成晚我都似沒有睡咁, 濤濤的哭鬧更是要很久才能平靜下來﹗那晚我想是否太早要濤濤介奶咀, 是否佢心情仍未準備好﹗想了很多是否對濤濤合適﹗不過, 有時好多野都未必要準備好才做的﹗
之後, 一晚濤濤在睡前又是哭鬧要奶咀, 但好明顯比起前一天又好了點﹗那天我們也一起睡, 好明顯佢沒有再為奶咀而哭鬧了﹗而且, 一睡可以到第二天. 昨晚, 也有哭鬧, 又比前一天少一點, 希望每一天濤濤都有點進步﹗雖然, 未知濤濤幾時能真的介掉, 但我想只要堅持便可成功﹗

生日會

我們為濤濤舉行第一次2歲生日會, 咁早﹗係因為濤濤生日那時, 我在坐月中, 因為妹妹將在11月11日出世了﹗故要早一點同佢廢祝﹗
11月5日那天, 我們到了嫲嫲家作第一個生日會. 那天都算齊人呀﹗濤濤都不知那天是生日會, 因為其實, 我們都只係切蛋糕而已. 一攞蛋糕出來, 所有小朋友都已很開心, 我想個個小朋友都喜歡生日蛋糕, 無論是誰生日都是咁開心﹗
濤濤其實一直都冇咩, 似平時咁, 只是在唱生日歌時, 當聽到happy birthday to TOTO. 佢那笑容是多麼真摰的開心及好似人地話中奬咁﹗我這媽媽見到也十分感動呀﹗因為感受到佢真係好開心﹗
之後, 佢成個人好HIGH, 佢回家後都同我講好開心. 願他健康快樂的成長﹗

穎心表姐送的生日禮物﹗

一家人大合照﹗

小朋友爭住偷食及吹CANDLE.


大家請留意濤濤天真的笑容﹗

毛毛

近日濤濤愛上了毛毛﹗
毛毛係住在家附近的一隻金毛尋回犬, 佢年紀都好大了, 每天7:30便會到我們家附近的公園散步. 自有一天濤濤送爸爸返工遇見牠後, 濤濤便每天都想找毛毛, 找毛毛也是每天起身的動力呀﹗如果佢遲了起身便見不到佢了. 所以, 毛毛可以令濤濤keep住7:30-7:45起身. 哈哈﹗
濤濤話毛毛好乖, 是的,的確毛毛是好乖呀﹗佢任濤濤摩及毛毛也很開心見到濤濤. 每天人狗相處大約10-15min, 濤濤便好開心. 我們也想是否應為濤濤養一隻狗, 但養狗需要付出的時間, 金錢實在不少, 真的要考慮清楚﹗


濤濤話坐毛毛到好開心, 但又驚﹗


濤濤話毛毛kiss佢喎﹗

觀課

今天是難得地可以去濤濤學校觀課, 可惜是爸爸未能同行. 在去觀課前, 我很希望可以睇到濤濤是否成為風頭人物或是勁主動, 好投入並受同學歡迎.
我們可以由他們10:30 至11:45, 當中有食水果, 唱遊, 主題課及食下午飯. 我想, 如果可以睇埋佢地怎樣午睡更好, 因為濤濤在學校可以自己不用奶咀也睡到, 但在家怎樣也不能沒有奶咀.
在觀課過程, 真的好開心, 因為睇到不是平日在家中的濤濤, 濤濤在學校乖點, 原來他是一個觀察型的小朋友呀﹗每次做一樣新野, 佢都會睇下大家怎做佢才開始做的. 那是我估不到, 佢不是主動的小朋友. 但佢喜歡同人地一齊玩的﹗在這次中, 最意想不到係, 濤濤在學校食飯勁乖, 能自己食曬, 好清潔, 而且, 食好多, 我想朋輩的影響力真的好利害.



這是唱遊後小休, 濤濤好攪笑, 不知是否太累, 休息後, 老師叫大家起身, 佢都唔起, 要朗喬叫佢起.



上主題課, 濤濤與差不多的年紀小朋友一組.


食飯了, 大家都好期待﹗