36週

1天......今天返崇拜時, 碰到與我同一天預產期的姊妹老公, 佢話那姊妹已在上週5生了, BB有6lbs多, 我聽到了, 有點意外, 亦有點緊張自己會否也早這麼多呢？今天崇拜BB胎動得特別多, 不知是否佢感到我的緊張呢？哈....那一刻也擔心自己生會早生了. 原來, 心情對BB都有幾大影響呀﹗最後, 當然不是BB出來, 而我也平安渡過了一天﹗

參加婚宴後拍攝

2天......今天起身全個人都水腫了. 手, 腳, 面也腫起來, 感到自己肥肥的手, 手指也不太曲到了, 這樣一點也不好受呢﹗不知那是否代表第二次的腫呢？因為太腫了, 我忍不住買紅豆回來自己煮番個紅豆沙食, 希望可以去去水腫, 食了紅豆沙後, 一會手指的腫好似好了一點, 因為曲手指時沒有咁辛苦了﹗

紅豆沙功效 :
紅豆含豐富維生素 B1、B2、蛋白質及多種礦物質，有補血、利尿、消腫、促進心臟活化等功效

3天......今天又沒有腫好多呀﹗天氣涼了很多﹗原來大肚著外套好得意的﹗全部都不可以扣褸, 好在bb在這月已出來, 如果唔係再凍點不知怎算﹗

4天......嘩, 不知是否仔仔佢太大了呢﹗今天我只是行了一陣街, 很快就覺得勁累了﹗似前行3個小時都冇問題, 今天只是行了1個多小時已感到疲憊不堪﹗真的開始沒有以前咁自如了﹗

5天......今天終於有得睇醫生了﹗很期待呢﹗因為我很想叫醫生幫我催生呀﹗BB實在太重了﹗

今天是我們等得最耐的一天, 以往睇葉醫生, 通常不用等多過半小時, 今天等了1.5小時, 勁辛苦呢﹗

等到我們了, 真開心﹗醫生一見到我, 就講, 你個BB真的不細喎﹗我們傾談了一會便照超聲波了﹗今次照超聲波....醫生一路照一路便講你個BB真係唔細呀﹗勁得意﹗而且, 往日照時, 都可以知道BB今次SIZE大約是第幾週, 但今次因為BB太大了, 顯示不了那週數, BB今次個頭已有9.7cm, 8lbs2了﹗我明白為什麼我咁累啦﹗因為佢真係好大呀﹗而且, 醫生話其實佢都冇咩位了﹗我都feel到我個肚冇咩位了﹗所以, 佢成日都頂住我囉﹗

照完後, 醫生建議我們如今週都冇作動, BB想出世, 下週就建議我們開刀了﹗因為BB一天一天大下去, 我能自己分娩的機會就越低了﹗今週是關鍵的一星期哦﹗

6天.......昨晚, 不知是否太擔心或太緊張BB幾時出世及我是否能順產這事而睡不著哦﹗很辛苦, 似整夜沒睡著﹗ 心裡總是想著開刀還是今週會作動呢？好難的決定, 但又似自己決定不了的事﹗唉﹗希望, 今晚不會再係咁....我能不去想太多啦﹗

7天.......今天十分忙碌的一天, 因為我想在生前完成很多的事﹗今天見到一些親戚都說我的肚子很大呀﹗問我幾時生, 哈.....其實, 我自己都想知呀﹗因為她們的建議我, 今天開始飲了"白蓮鬍", 她們說話易生一點﹗我飲了, 不太好味, 但還可以啦﹗

肥肥的肚....