全世界最可愛的bb?!

濤濤現在已有3個多月了, 他對我們所做的事反應也多了. 例如﹕有時你會覺得佢似不喜歡你的, 因為我怎樣令佢望我, 佢都一眼不看﹗又有時有時佢會知你不喜歡佢食手, 你望住佢時佢會唔食, 當你擰轉頭佢立刻把隻手放入個口﹗又有時佢會同你玩, 笑到"卡卡"聲﹗又有時佢一看到你便會笑﹗又有時佢會同你傾下計或投訴一下咁﹗又有時佢會食食下奶同你傾計及玩.....總之, 佢現在反應多多令到大家都好開心﹗
現在多反應的濤濤, 佢最得爸爸的歡心, 佢不知氹得佢爸爸幾開心啦﹗爸爸近日最喜歡形容濤濤為"全世界最可愛的bb", 我常問爸爸, 不是個個bb都可愛嗎？爸爸話"唔係﹗"哈.....我都估到佢咁講﹗爸爸不單止同我一個人講"濤濤是全世界最可愛的bb", 其實, 佢同任何一個人都會咁講, 有好多人仲寸番佢, "咩, 唔係全宇宙咩﹗"爸爸當然也會答"係,應是全宇宙"﹗我真的覺得好攪笑, 爸爸好似過份戀慕濤濤咁﹗濤濤笑下佢又話勁可愛, 沖涼又話勁得意, 我想濤濤做咩都好, 係佢心中都係-全世界最可愛的bb﹗我想一想, 為什麼我沒有爸爸咁呢？或許, 因為我想每一個人都會覺得自己的仔女可愛的﹗只是爸爸佢太誇張了﹗哈哈﹗