打針

濤濤6個月了要再到健康院打針. 今次好慘濤濤要一次打3支針呀﹗我想佢唔喊就奇了﹗這次打針幸好有濤濤最愛的爸爸同行. 希望由爸爸帶他去打針會令他開心點啦﹗

這次陪同濤濤進入打針房的是爸爸, 爸爸好擔心會不會濤濤嬲佢帶佢入去這些地方. 我話佢那會記得咁多呀...而且, 爸爸係好想睇到濤濤打針的情況呀﹗所以, 我叫他不要錯過這機會吧﹗因為我沒有入去, 所以, 不知道濤濤打針時實際的情況. 但按爸爸所講濤濤都算叻, 因為佢到打第二針才開始喊. 而且, 佢喊了一會便收聲了﹗

不過, 雖然在皮肉之苦不多, 但今次可能打太多針了, 濤濤發燒了. 這是他第一次發燒呀﹗我與爸爸都不敢掉以輕心, 以免有什麼差池﹗因為發燒, 濤濤那兩天都好扭計呀﹗這是之前沒有試過的﹗我想他真的是很辛苦吧﹗父母有時真的寧願病的是自己, 也不想是孩子病倒呢﹗