merry christmas

在平安夜那晚, 濤濤跟我們一同出外報佳音呀﹗那天天氣有點冷, 而且, 可能時間也有點夜, 濤濤都不太想去報佳音, 只是想睡覺, 他感受不到報佳音的喜悅﹗

跟著幾天聖誕假期, 我們沒有什麼特別的節目, 這是第二年跟濤濤一起過聖誕﹗本打算帶他出外睇燈飾, 但濤濤都不識行, 我想佢在車裡睇同在街上睇都一樣, 所以, 只是爸爸早前經過尖沙咀便算睇了燈飾﹗不過, 我們見27號沒事做, 我們也帶濤濤到山頂走走﹗等佢可以在聖誕不只是返教會. 那天佢很開心, 或許, 小朋友出外走走已是不錯的節目了﹗

No No No

哈﹗濤濤近日學會了擰頭, 所以, 佢一聽到人地講NO NO NO就會擰頭有點攪笑的﹗有時你抱佢佢不想, 佢又不擰頭, 佢不LIKE的事又會擰頭, 都幾得意﹗可惜我拍不到一個MOVIE真的佢講NO NO NO之後會擰頭, 分享一個有小小擰頭的給大家分享睇下啦﹗﹗

哈...你見佢對爸爸擰頭就知佢對爸爸的駕駛技術怎樣.

13moths

濤濤話咁快又大了一個月, 過了1歲每月改變不是太多, 但覺得濤濤也開始明事多點﹗現在他更喜歡有人同佢玩, 所以, 每天他基本也會到鄰居-潘伯伯到玩﹗他與潘伯伯真的十分好感情, 濤濤會常常掛住佢, 佢也會成日掛住濤濤. 他們真的天生一對似的, 而我想, 因為潘伯伯及潘婆婆的原故, 濤濤也特別喜愛老人家. 不過, 不久後潘伯伯他們便要搬走了. 不知, 那時濤濤會怎樣呢？現在常坐在門口等待他們的濤濤, 將來是否也會繼續等待呢？


濤濤愛上了打千揪.

開始懂得同別人玩了.

想試下自己食野.

不過, 仍愛四周食野, 他在食地下.

他也愛四圍爬.

聖誕is coming

聖誕節快到了﹗我們生活的四周也充滿了聖誕氣氛, 讓我們感受到聖誕快到了﹗那一份歡欣愉快的心情, 我們也很想濤濤也感受到﹗所以, 在聖誕未到, 我們就同濤濤四出睇下燈飾. 希望那氣氛濤濤也能感受到﹗

我們在家也有安裝聖誕樹 ﹗濤濤好喜歡上面的燈及波波飾物﹗

第一站ELEMENT

第二站-海運中心


第三站永光大禮堂

第四站-黃埔

Matthew Birthday party

今天黃信之小朋友(Matthew)邀請濤濤去他的1歲生日會, 這是濤濤第一次出去參與其他小朋友的生日會。媽媽幾週前已開始預備禮物, 因為媽媽也是第一次參與這些生日會. 我們一早便到達了, 到達時濤濤仍在睡中, 不久濤濤便醒了﹗濤濤醒時已有好多小朋友到達了﹗濤濤唔係好識其他人, 所以, 佢都冇咩出聲, 後來, 玩下玩下就開始勁開心, 不斷找其他小朋友同佢玩or 望住人地玩咩, 其實, 咁細的小朋友, 有時去這些聚會佢地都不知道做咩, 但大人又忙一餐, 哈, 真的好得意﹗除了MAT MAT外, 濤濤見得較多的朋友仔就是JOES, 雖然,佢地未識得自己一齊玩, 但經爸媽陪同下一樣玩得開心﹗最後, PARTY完了, 濤濤更不捨得走TIM.....

與主角合照

一班教會好友.

媽媽本來也很想買給濤濤的蛋糕.

monkey mountain

今天一早爸爸就提意出去走走, 爸爸知道媽媽係lazy人, 所以, 選了不用行就可以到達的"馬騮山"又可以郊遊, 又不用我們多走﹗哈哈﹗ 一去到, 濤濤已被走來走去的馬騮吸引住了﹗佢很留心睇佢地呀﹗可能佢未見過動物, 有點似公仔, 但又有點不同啦﹗媽媽就有一點一點怕, 濤濤也許年紀少呢？仍未知驚, 常常都好想走近那些馬騮呀﹗我們在那裡走了一會便離開了﹗濤濤睇到好開心及興奮呀﹗我想, 帶小朋友多點到郊外應是好事來的﹗

濤濤站在門口等出街.

勁多馬騮四圍走.

爸爸不怕, 所以, 可以行好近影相.

濤濤被四周的馬騮吸引住.

Interview篇

12月到了﹗濤濤也開始了他要面試的生活了﹗濤濤是細仔, 所以, 有機會面試的學校不多, 而幸好, 我們想他有機會讀的, 也有機會面試. 雖然, 我們沒有特訓濤濤任何東西, 但不知為何也有一個想法, 希望佢面試時表現勁好, 個個老師也喜歡佢﹗
濤濤暫時已面試的有3個, 而佢表現都算ok.

11/20 - 明慧幼稚園 早上9:00

濤濤雖然影相時, 個樣不太好, 但去到, 濤濤表現不錯, 老師話佢可以坐定定幾好. 而且問佢野也有反應呀﹗

11/24 下午2:20 Boxhill

這次去那學校全是英文對答, 濤濤表現也ok,老師同佢玩, 佢有反應及好開心, 濤濤似好like這學校.

12/4 - 樂基幼稚園 下午3:30

這次濤濤表現勁差, 我想, 可能因為佢不太明白那老師講咩啦﹗老師叫佢比野佢, 佢唔比不單止, 仲放在地下, 雖然,已叫埋澄澄家姐去, 但我諗取錄機會不大.

4日3夜的仁安之旅

可憐的濤濤bb, 在醫院住了4日3夜﹗因為佢感染了-諾沃克病毒, 這個病會令小朋友勁吐及勁瀉, 濤濤第一天已勁吐及瀉到一食野之後就立刻會吐及瀉了﹗因為怕佢缺水, 所以送佢入院, 唉, 所謂, 痛在兒身就痛在母心, 見佢比姑娘姐姐打抽血, 一隻手唔得又要打另外一隻手時, 真係睇到想喊呀﹗濤濤又係到勁喊....那時真係想一齊喊呀﹗
在這4日3夜, 濤濤都算乖, 可能因為個病都辛苦, 佢勁多時間係sleep, 不過, 可惜是, 在醫院有時想訓一覺好的一點也不易呀﹗護士們常常出出入入, 又要check咩又要攪咩, 好在濤濤就算被攪醒了也好快sleep番﹗在這幾天, 我也要陪濤濤一齊在醫院. 其實, 我地成家也同濤濤一樣被感染了﹗無一幸免﹗但感謝主, 我們大人也好快好番, 可以有能力照顧濤濤﹗

濤濤第一晚入院時的樣子, 仍有肚腩.

濤濤要吊鹽水.

因為要吊鹽水及成日瀉的原故, 濤濤冇衫可以著到, 要著醫院衫.

在醫院新地方濤濤覺得樣樣野都似好玩﹗

可以出院了, 在醫院裡濤濤學會了聽電話﹗有時,一些傳統野才可以教會小朋友做一些事情.

play time@仁安

遲來記下的...1yrs

哈哈..陪濤濤過生日太開心, 忘記了那天開番個blog tim..唯有現在補番啦﹗

已一歲的濤濤其實都係差不多, 佢識野的進度不算快﹗不知係佢lazy, 還是父母lazy教, 總是不是識太多﹗
1. 還是咩都放入口...食草中.

2.學會了..食飯前作祈

3.好喜歡收埋d野在電視貨下, 然後, 盼唔見左.

4. 識落sofa, 這個好勁教兩次便會了.

5. 開始好喜歡睇書及玩書,學會了怎樣睇書.

畢業了

今天是濤濤在幼潛playgroup畢業日, 除了有一個小小exam給各小朋友, 每個小朋友也有一張cert.及小禮物﹗畢業日, 每個小朋友也似好開心, 亦似特別friend咁, 有一些家長話可能佢地知以後未必見到, 有些家長話希望讀書會再遇上, 我想也有點難, 大家來自不同地區, 要在同區讀書一點也不易﹗
哈....這些估計不到的事不要講了﹗講下個小小exam呀﹗濤濤是第二個小朋友做的, 佢雖然做得不太好, 好似每項目也不太會做咩, 導師姨姨叫佢做咩, 佢都不太想做, 而且, 似半推半就完成各項目. 是濤濤真的不會, 還是佢懶呢？是濤濤佢蠢, 還是佢覺得那些太簡單呢？不過, 算啦﹗都無謂深究了, 佢大了便會知. 記得牛奶姨姨講過, 有一些技能是一定會識的, 只是遲同早的問題, 而遲識又不會代表佢做得不及早識的人, 所以, 我地做父母也真的要學會放開d﹗

一班小朋友在收拾玩具..這都是濤濤的好同學﹗

濤濤測試中.....

很喜歡同濤濤玩的同學仔1-陳安安﹗

濤濤第一張証書﹗

落sofa

濤濤今天會自己落sofa了, 爸爸只係教了佢兩次佢便會了﹗我想佢都係一個naugty boy, 因為你教佢其他野都冇咁快會, 去到這些攀攀爬爬咁快就曉﹗
希望佢快點可以識行就好了﹗

生日週

濤濤就快一歲了﹗媽咪很想為濤濤預備一個好好的生日會，就在今天我們先與爺爺嫲嫲一班一齊開生日會﹗為這天爸爸媽媽在前兩天便開始預備了﹗買ＢＢＱ食品，訂蛋糕.....希望大家都開心快樂參與濤濤的生日會﹗

在教會時，濤濤的好朋友－卓瑤，送上生日禮物﹗




與一班至愛濤濤的親友與濤濤一齊ＢＢＱ賀生日




那一天收到的生日禮物﹗


這天濤濤其實沒有特別開心, 反而, 因為表哥表姐細佬及家姐佢地攞了濤濤的玩具來玩, 佢好BUSY地爬來爬去睇下佢地玩咩﹗但我諗佢BUSY也可能開心, 因為有咁多人同佢玩﹗