濤濤的朋友

濤濤2個月了, 我想他的眼睛看東西清楚了很多, 所以, 他現在每次見到床裡的鴨仔, 換片那裡的熊仔及跳跳虎, 還有, 在car seat 上的兔仔3兄弟, 都會好開心呀﹗而且, 佢還會同佢地傾計, 好得意的﹗

這是床上鴨仔們...濤濤好喜歡望著佢地笑笑笑....

這是會發聲的跳跳虎, 每次佢聽到都會勁笑.

這是在換片那裡的天使熊仔...佢會同佢傾計的...

兔仔3兄弟是在car seat上的, 佢初時不太喜歡的, 後來可能見到成日熊仔都陪住佢, 佢現在同佢地已經好friend 啦﹗

2個月的改變

話咁快濤濤就已經兩個月了. 原來2個月都有幾多改變呀﹗
首先, 佢突然自己介了夜奶啦﹗本來一晚要食2-3次夜奶, 現在變了9:00食完可以到6:00才食. 嘩, 這改變實在太美好呢﹗本來媽媽同爸爸都在煩怎樣幫佢介夜奶, 點知佢自己已經做了﹗仲有, 佢可以自己睡了, 不用我陪伴, 亦少了很多要抱的時間.....呵呵, 真是太開心的事﹗
除了, 剛才的重大改變, 還有, 你同佢講野佢有反應啦﹗看到一些佢成日見的東西會笑啦﹗而且, 佢仲會認得地方, 好似每次我們去街, 回到家中, 佢便會好開心, 好似好掛住屋企咁﹗好得意﹗仲有, 就係佢學會了食手, 而且係成日食, 仲食到有勁大聲,驚你唔知佢食緊手囉﹗還有,你鬧佢佢會唔出聲靜曬咁......總之, 好似變得懂事了一點﹗
看著他天天的長大, 真的很開心呀﹗


你同佢講野佢會好似識答你咁...

被拍下食手的情況﹗

一次去完街, 回到家中勁開心的樣子﹗

2個月了

人人都話...嘩﹗咁快就2個月了﹗哈...
你睇就好似好快, 但我就過得不快﹗有時什至覺得有點慢, 不過, 當細心一樣, 當濤濤一天一天長大時, 希望自己沒有錯過佢任何一樣東西﹗我也不想你太快長大, 因我想能多點抱你, 愛你, 鍚你﹗
也許, 當你長大成人, 我想去抱你, 一點也不易, 或許, 是反轉來你背我﹗哈.....
以下是這一個月的相片.

望窗

濤濤早前在自己的房間望窗, 其實, 佢一直喜歡望光的東西, 總之,有光的東西都喜歡望. 以前, 佢只喜歡望燈, 近日佢開始會望窗. 或許, 以前佢少見太陽, 現在見多了. 亦發現望窗變化多一點. 哈.....小朋友望窗都好似已好開心. 真的易滿足呢﹗如果大人都係咁, 我想世界簡單很多. 以下是他用心望窗的片段.

濤濤開心的一天

近日濤濤開始同我們有交流了, 同佢講野佢會有反應, 有時也會自己係到笑. 以下是其中一次與他對話
.

濤濤.....笑笑笑

自從濤濤會笑後, 現在佢成日都會笑. 不過, 要捕捉佢笑笑笑的樣子, 一點都不易﹗

病了

濤濤病了, 很可憐呢﹗佢把聲沙曬, 有點咳及有鼻水. 見佢睡得不太好呀﹗而且, 一喊就冇聲好慘呀﹗
今天我帶佢去睇醫生, 醫生話佢不嚴重, 因為都未發燒. 唉, 不過,咁樣都已好辛苦了, 醫生比了些葯水, 好慘咁細個就要食葯水. 回家後, 濤濤便食奶, 食奶後, 我都在掙扎好不好比葯水佢食, 但見佢因為鼻塞而睡得不好, 就決定要比葯水佢食.
濤濤一食葯水好慘呀﹗佢試了少少就知唔係好野, 係咁喊呀﹗好可憐, 但也沒法啦﹗那一刻真的很不想比佢食第二次. 所以, 晚上我見佢冇咩咁, 就冇食了.
怎知, 那晚佢睡得很差呀﹗第二天早上, 我又比佢食葯水, 第一下比佢食,佢都冇咩,但不知佢食了第一啖後記得昨天也食過呢﹗佢竟然合實個口怎也不打開, 哈.....就算我迫佢打開了,佢也吐出來. 估不到一個人仔細細的bb都有這本能呢﹗

新一年

新一年又開始了, 希望濤濤新一年也有一個好的開始.
在這幾天, 濤濤的確有點進步. 有幾2天他睡覺好了, 晚上也少了扭計, 雖然, 前天及昨天他又是很扭計, 攪到我睡得很差,但我相信希望在明天, 希望今天及以後他能好好睡,而這情況能持續下去啦﹗
除了睡覺有點進步, 濤濤也開始會笑了, 而且笑的機會多了, 他會自己看東西, 然後在笑笑, 或者, 你同佢玩佢也有一點反應, 見他這樣, 好像以往的疲累也忘記了. 這也許就是我們的動力.
還有, 我們開始每天都同濤濤玩下爬下,佢初初不太喜歡的, 可能辛苦吧﹗這幾天就好了一點, 而且能爬下的時間也長了點, 能見到他成長都幾開心的.


這是濤濤第一次爬下拍的...

很難才可以捕捉到的....笑﹗

倒數

2009年12月31日 與濤濤過第一個除夕, 我們一家人與澄澄家姐一家人, 決定去看一看除夕的煙花. 那天我們在ma ma 家打邊爐後, 便開車去尖沙咀element準備在那裡欣賞煙花. 怎知, element勁多人呀﹗是我去過咁多次那裡以來最多人的一次. 沒有想過呢﹗我們找了很久也找不到合適的位置, 最後, 我們決定到爸爸公司睇煙花.
嘩, 好正呀, 雖然不是睇曬正面全部, 但2/3的的大廈都睇到呀﹗我同埋澄澄家姐都好開心呀﹗之後, 很快便到倒數了,濤濤就在熟睡中沒有看到那美麗的煙花. 第一個倒數, 我們便這樣渡過了.


element的聖誕裝飾好靚的

我與澄澄在等待倒數.


IFC 好靚的煙花