小蛋糕

今天很想試下做蛋糕. 故在無印買了一些蛋糕材料回家試試﹗其實做法是很簡單的, 一個合成的粉+ 蛋 + 牛奶 + 牛油. 全過過程都不用大約1小時. 味通也不錯﹗下次可以再試﹗


這是完成品﹗

35週

35週的開始....就是腳腫的開始﹗


週日那天...突然發現腳很腫, 是從來沒有見過的, 有一點得意, 因為肥肥的. 但也感到隻腳很累﹗這幾天腫都係差不多, 不過, 有人介紹我食了紅豆沙令到隻腳冇咁腫, 我食了又好似好了一點﹗週二到週四也沒有之前咁腫. 其實, 除了隻腳腫, 我覺得個人都腫呀﹗不過, 冇腳咁明顯囉﹗哈......很多人見到我隻腳, 都話我應就來生了﹗不知是否係真呢﹗我希望BB在11月中出世﹗

這週每天都有食糖水呀﹗紅豆芝麻糊.........呵呵...勁好味﹗希望BB出來皮膚及頭髮都好好LA...還有, 我可以易生一點﹗除了食外, 也努力做運動-行樓梯﹗這運動都不錯﹗希望能努力KEEP住做到啦﹗


...
腳腫情況﹗


肥了很多的腳哦﹗

34週 - II

Fri - 這幾天都睡得不太好呀﹗或許, 越近睡的質數真的會越差呢﹗
昨晚, 突然開始肚好痛, 好似食錯野攪肚痛咁, 但又去不到toliet, 不知那是否就是陣痛呢﹗這痛大約持續了1.5 hrs, 之後, 好了一點. 但睡著時也有一點痛. 不知那是不是呢？
而今早起來, 肚仍不太舒服咁﹗去了toliet也有一點﹗哈.....不知是否自己太過在意呢？
明天, 世忠去中山兩天呀﹗我不想佢因為我不去, 所以, 我努力同bb講不要咁快出來呀﹗我希望佢11月中才出來呀﹗
Sat - 昨天是我人生中第二次的失睡, 很久沒有試過這樣了, 3點多醒了後, 一直也不能再次入睡, 到5點終於忍不住起身了, 想睇下電視或書, 希望自己可以再次入睡啦﹗睇到6點多, 感到自己有點累, 再回床上去了, 輾轉了一會好在睡得著了, 可惜鄰家的乖狗又準時便起來叫了.........繼續間都可以睡到9點多......今天仍感到有點累, 不知為何會這樣睡不到呢？在睡不到期間, BB也是醒了的, 活動得很﹗肚也有一點痛, 不知是否真的預備就來生呢﹗

34週

話咁快又過了2週, 今次很想快點睇醫生, 因為想知道BB大了多少. 今次BB又不是大很多喎, 只是比上一次大了少少, 有6lbs6, 但個頭已有9.1cm了.....醫生又係講那句, 你個BB真係大的呀﹗最利害係, 佢度size時, 那系統竟然show出BB已有39週的size, 醫生都覺得接受不了, 所以, 佢再度了幾次, 最後, 佢選擇了37週那個size. 其實, BB一直都比實際size大2-3週, 只是沒想到今次可以大到多過5週﹗亞仔, 你是否一個頭好大的BB呢﹗因為身及腳都冇你的頭咁大呢﹗哈哈....希望你健健康康出世啦﹗
這週BB常常似"打思憶"咁, 我問醫生, 原來, 那是代表他的腦部發展順利, 是神經線接駁都好才會有這反應呀﹗原來, 在後其BB在肚裡的發展也十分重要呢﹗怪不得D人話BB遲點出來會好D啦﹗

33週

今週是33週了,這個週發現腳腫的情況多了, 好在不是腫到豬咁, 只是好似扭到腫了的﹗但有些鞋也著不到了﹗今週身體都多改變, 不知是否個肚大了, 腰又開始痛了﹗而且, 起身時也有點辛苦呀﹗....昨天又睡不到了﹗好似上週二及週三咁﹗攪了很久才睡得著, 就算睡了也睡得不好, 希望這情況不會增多啦﹗ 還有, 我近日的胃口勁好, 很明顯地食多了東西﹗想不肥也不可以了﹗
而最大的改變是我的肚子很明顯地向下了, 雖然, 不是很低, 但很多人也發現呀﹗我想BB已開始準備出來了. 昨天(週二), 我在午餐時還感到很強的陣痛, 我不肯定那是不是與生BB的痛一樣, 但那痛是從來未試過呀﹗好在只是維持了一會, 我想那是醫生所講的陣痛吧﹗今天也有試過一次, 不過, 冇昨天的咁痛﹗哈....夠竟BB你打算那一天出來呢？是否你感到媽媽的辛苦, 想早點出來呢？還是, 你也被這世界給引了, 想早點出來玩玩呢？

32週

話咁快又是32是週了.....即是8個月啦﹗當4-5個月時...時間總是過得好慢, 但這兩個月真的好像過得很快呢﹗也許, 自己生活也忙了, 不再是悶悶的過每天﹗現在的時間好像不夠用似的﹗
今週, 有2天睡不到呀﹗好少失睡的我, 花了很長時間也未能入睡, 就算睡著了, 不久便醒了﹗很辛苦呢﹗我問了醫生, 佢話可能身體在練習將來生了後, 睡得不好的生活﹗哈哈...醫生總是有點攪笑的﹗佢話有可能是與賀爾蒙有關吧﹗但佢也沒法呀﹗....我也只好無奈, 希望不要咁快就睡不到﹗不過, 就算睡到有時也因為肚子太"罪"而痛醒﹗唯有, 在日間可以也睡一下啦﹗

32週又要去見醫生, 我們也有點期待, 因很想知道BB大了多少﹗嘩.....估不到只過了2週, BB已重5lbs11了, 醫生也話bb有點大呀﹗用超聲波看到的已是36週的肚子及頭size了﹗醫生也話估不到咁大呢﹗但醫生用手摸我的肚子, 佢話覺得bb應只得34週的size, 應沒有36週咁大﹗而且, 佢也笑笑口地說...我都答不了你能不能自己生下bb來﹗哦.........我們也只好再等多幾週才決定了﹗其實, bb的頭現在也轉向下了, 如我想試, 應可以試一下順產的﹗但總是有點怕呀﹗哈哈﹗

31週

今週是31週...好忙的一週呀﹗因為剛巧是國慶及中秋假期, 又是老公生日呀﹗所以, 這週很忙呢﹗
因為老公生日那天是中秋節, 我們家有人來我們家BBQ, 故我們提早一天慶祝生日.
當天, 我們去了石澳石灘, 那裡很美呢？很少見到香港有咁靚的地方. 我一直也想拍一些大肚相, 故我們帶埋相機去到那裡影些相, 那天天氣真的好好呀﹗我們去到後找了一個安全一點的地方, 便大拍特拍﹗很開心呀﹗
肚子也真的大了很多呢﹗肚臍也突起了, 哈哈...好得意﹗除了肚臍不一樣, 身體也比以前差了點, 體力沒有咁多了﹗很易便累﹗有時行多一點也感到有點頭暈, 這星期還差一點在街上暈到, 好在最後還是平安回到家中. 所以, 以後都是要小心一點了﹗
今週想食少一點殿粉質, 但原來一點也不易. 希望下週去睇醫生時, 醫生不會又話BB太大啦﹗

10月1日國慶

今天是60年國慶, 我也很開心可以同以前的小羊相聚一下. 我想都有很久沒有和他們一起了, 那天走在一起也很開心, 話題也ok多呀﹗有時, 見到舊朋友都會怕沒有話題, 感謝主, 這次大家也傾講都開心呀﹗
本來, 佢地一心來BBQ, 之後, 又改了去打邊爐, 最後, 我們只是叫了pizza. 哈哈.....不過, 食咩其實也不重要, 最重要是大家食得很開心呀﹗
食完野大家玩玩琪, 開開心心就過了一個晚上了.