堂家姐與細佬

澄澄是濤濤見得最多的小朋友, 因為我們住得好近, 並澄澄很愛這個細佬, 常常都會來探我們及幫我們手照顧濤濤. 這天, 澄澄就在ma ma家裡幫手餵奶, 濤濤也知這家姐是第一次, 所以,佢乖乖的食奶, 令到這家姐滿有滿足感. 以下是分享片段.

聖誕節

今年是濤濤第一年過聖誕節呀﹗我們沒有預備什麼給濤濤作聖誕禮物, 但為濤濤安排了一些節目.
12月24日 返教會後, 爸爸知道濤濤很喜歡望燈, 所以, 佢提意我們一家人去睇燈飾, 而那天, 澄澄姐姐一家也跟我們一起, 所以, 最後, 我們一齊出去尖沙咀睇燈飾.
這次睇燈飾好特別, 我們是坐在開蓬車睇, 感覺好好, 亦很舒服, 因為不用同其他人迫, 又不用行﹗正呀﹗可惜, 在我們全程睇燈飾之旅中,濤濤是睡著了的﹗佢一d都睇唔到呀﹗但其他在車中的人都睇得勁開心呀﹗

開蓬後勁大風, 濤濤睡著了.

大家勁開心一齊睇燈飾.

12月25日 那天我們節目豐富, 一早外出早餐, 下午我們到了牛奶姨姨家開christmas party, 當然, 濤濤去到只是在房中睡下都沒有參與咩, 但大家見到佢就好開心呀﹗不知是否一個新地方,濤濤不算好扭計, 只是四周望下望下小小喊, 而章瑤姐姐就好想同濤濤玩,可惜濤濤未懂跟你玩吧﹗
去完party, 我們便去爸爸同學的婚宴, 爸爸的同學全部都話濤濤好似爸爸呀﹗不知, 那天是不是太長時間在街及每次到的地方太嘈, 濤濤都睡得不好呀﹗晚上濤濤好扭計令到爸爸及媽媽都不能好好食一餐飯. 晚宴後, 濤濤便到ma ma家住了. 媽媽雖然好不捨得濤濤, 但也想佢可以試下在ma ma家住呀﹗


濤濤第一次去飲宴
12月26-27日 濤濤都在ma ma家住, ma ma話濤濤都幾乖, 我話佢扮野, 平時在家就勁扭計才肯睡. 不過, 濤濤在ma ma家住完2天個臉肥了一點, 皮膚也好了, 也許曬多了太陽呀﹗(因為之前佢臉很黃) 見他也好像幾喜歡竹園呀﹗
安睡在ma ma床上


爸爸幫濤濤沖涼, 好似在游水.

那天太凍了,ma ma擔心濤濤不夠衫, 比了一件女仔衫濤濤著, 好cute.

竹園太大風了, 爸爸要包住濤濤才可以.

教會

終於過了一個月了, 我們可以四周圍去了. 媽媽最開心係可以返到教會, 不知濤濤喜不喜歡返教會呢﹗
12月20日....那天我們返到教會, 濤濤是睡著的, 後來, 醒了食奶後又再睡著, 就算唱歌幾大聲, 其他小朋友有幾嘈, 他仍是睡得甜甜的﹗可能, 他都不知自己不在家...哈哈﹗


在大禮堂的聖誕樹下

12月24日...聖誕盛讚, 那天我們帶同濤濤一同參與, 那天1/F bb房勁多人呀, 濤濤可能也感到那壓迫, 佢成個崇拜也不太安靜, 不知是為熱及好嘈呢﹗完了盛讚後, 我們一家人便到附近吃飯, 那天皓霖表哥好似對這個bb表弟好感興趣, 好有心機同濤濤講野, 又show佢自己玩的玩具比濤濤睇, 當然, 濤濤咩返應都冇啦﹗希望將來他們能成為好好的朋友啦﹗

與翠媚姨姨合照,她說濤濤好似好似爸爸呀﹗

滿月

嘩...話咁快就一個月了.這一個月一點也不易過, 但也有很開心的時候的﹗
見住小濤濤一天一天的長大,真的好奇妙. 有時佢會好乖咁, 又時佢又會令到你好"炆", 好想打佢一餐..哈哈﹗當然係想下啦﹗有時你同佢講野佢好似識得答你咁, 自己又覺得好開心, 有時佢勁喊, 你鬧佢佢又會靜下來.這一切也覺得好得意﹗其實, 都不知佢睇到幾多, 聽到幾多. 但當他有點反應, 大家總是覺得好開心﹗

滿一個月後,我們第一件事係去打針, 濤濤在打針時有小小喊啦﹗都算乖. 那天我們同佢去行街, 佢全程都係sleep都冇醒過. 之後, 兩天我們都有去街, 我們發現濤濤都喜歡去街的. 因每次去街他都會乖乖的.

12月19日黃靖濤小朋友滿月食飯, 那天他去到酒樓也很乖, 沒有喊過, 就算醒了也是自己四圍睇野,一點扭計都沒有.
一家人大合照
12月20日做冬食飯...黃靖濤小朋那天都ok乖啦﹗但都有小小扭計,不知是否肚餓呢...

奶咀

一個可愛bb的背後...原來,要用很多心血來建立呢﹗
這幾天濤濤不知為何常常都睡得不好, 尤其是晚上, 佢要花很長的時間才能入睡, 就算入睡了, 也很快就會醒. 總之, 每天晚上都花了不少時間才能氹他入睡. 這是一個不易的工作呢﹗而且, 當你已很累, 家人也睡了, 那時真的感到很無奈, 很不想他喊, 因怕嘈住人, 但佢又用咩方法都會喊.....那一刻我自己都想喊呢﹗
不過, 好在我的心裡常想起醫生同我講過一句話,"bb一定比大人硬淨,所以,你要比不用太擔心佢的﹗bb總會成長起來的" 是的, 無論我有多累, 他總是比我睡得多, 食得多.我根本不用太擔心他.總之, 盡了自己力便可了﹗但有時在他勁喊時, 要諗盡辦法令他不喊呢﹗這真是一件不易的事,而且,很需要智慧,耐性及愛心. 感謝世上有人發明了"奶咀", 昨天濤濤勁扭計時, 好在有奶咀, 才可以阻止到他驚人的喊聲.再加上我的歌聲, 攪了一個多小時佢終於入了. 不過, 如果每一個晚上都係咁, 我想真的好快個人會勁殘. 希望, 過了一個月後濤濤大點一切會好d啦﹗
要湊一個bb真的不易呀﹗所以, 真的要向每個媽媽致敬﹗


爸爸用盡辦法令濤濤睡.....攪到自己也睡了.

濤濤..奶咀照

生活照(0 mth)

婆婆送上的玉手鐲, 是媽媽小時候帶過的.

濤濤愛上了紗巾

第一次去爺爺ma ma家, 家姐及表姐一起合照.
那天去到竹園, 濤濤都冇醒過, 由出門口開始睡到回到家中才醒, 其實, 濤濤知不知自己出過街呢？

少不了的肉照, 不是米芝蓮的濤濤, 也是小小肥仔來呀﹗

第一次出街散步, 那是爸爸很喜歡的bb車, 但濤濤就好似不太喜歡坐.

第一次hold住個奶樽.雖然,佢未能真正hold住,但大家見到也好開心呀﹗

當然,不可以沒有佢喊樣啦﹗我想佢有機會係一個好惡的的bb呢﹗
因為佢喊時是勁惡的﹗而且,佢成日都會扭計的﹗希望,只是現在係咁,遲點會乖d啦﹗

21天了...有的表情

在濤濤每次吃飽奶後, 佢都有一段時間特別多表情的....今天好好彩可以拍下來﹗
濤濤笑笑笑時都幾可愛的﹗同大家分享一下啦﹗

濤濤與爸爸

自濤濤回到家中, 一切也由我們為他而作. 爸爸都很努力照顧濤濤, 希望可以分擔一下媽媽的工作. 他的努力真的很值得與大家分享一下呢﹗

由餵奶開始,到換尿片,沖涼,剪指甲....他一切一切都勞心勞力.


餵奶的情況, 其實,有時媽媽覺得爸爸餵得比我更好呀﹗


沖涼的情況, 爸爸只是見過別人為濤濤沖涼一次, 便學懂了.利呀﹗

剪指甲, 嘩, 爸爸簡值利害, 一點也不怕, 而且剪得好好呀﹗

換片也難不到爸爸﹗

父子

世上有另一個人很像自己, 這事確實很有趣, 亦很奇妙.
自濤濤出世後, 濤濤真的與爸爸很似, 我想那感受一定很特別. 因從來沒有想過, 有一個人會與自己那樣相似的﹗

他們睡相相似.

睡姿相似

不知將來濤濤還有什麼東西跟爸爸一樣呢？我希望他一切一切也比我們更優秀,更好﹗

與濤濤會面過的人

很感謝以上每一個的關心, 探訪及餽贈﹗(由11月17日至11月24日來過探望的人)

濤濤@HOME

我們回家了﹗昨天, 我們同濤濤從醫院回來了﹗不知佢回到家的感覺怎樣呢？我就感覺有點緊張, 因為第一次我們全情照顧他﹗感謝婆婆一早便到來預備一切﹗等我們回到家中一切已預備好了﹗
今天是濤濤第二天在家﹗第一個住在家中的晚上, 哈.....一點也不易過呀﹗他睡得不太好, 哭了好幾次呀﹗令到我與爸爸也睡得不多﹗但心情也是開心的, 也許, 我們仍未感到心靈的疲累吧﹗現在只是身體的疲累﹗原來, 其他爸媽講初初一點也不易過是真的, 因為有很多的決定, 你不知道自己是對是還錯, 夠竟幾時食奶好呢？夠竟抱唔抱佢好呢？好似很簡單的決定, 但當你要去做這決定時, 一點也不易呢﹗做爸媽真的要多點智慧, 願神給我們從祂而來的智慧﹗
回到家中, 爸爸很努力照顧我們的生活, 從家頭細務到幫BB換片及飲奶.....一切一切也很努力呀﹗這是我沒有想到的, 我感到他對我們的愛呢﹗謝謝他的付出﹗哈....但我想, 我們現在已盡全力了, 往後的日子怎算呢？我們不可以在初時便用盡我們的力量, 因這是長久戰呢﹗願我們在生活各事上也可以力上加力﹗

在家食完奶的睡姿﹗

第一次見到佢笑呀﹗

第一次表演

估不到, 我個仔咁快就有機會表演了﹗哈哈...表演咩呢﹗就係在育嬰室中被選上做沖涼示範﹗

今天, 我在育嬰室餵奶期間, 一位護士姐姐誠意邀請濤濤做沖涼示範. 我見都冇咩野的, 而且, 佢食奶又食到有點DIRTY, 便答應了﹗等佢可以早點沖涼呀﹗哈.....答應後, 我細細聲同濤濤講叫佢不要失禮呀﹗唔好喊呀﹗希望佢有好的表現﹗之後, 食完奶, 我便回到自己的房間了﹗

在差不多到示範時間, 我與爸爸便在門外等候, 我們也很期待﹗看看他會怎樣﹗等了差不多15分鐘, 示範開始, 濤濤也從房間裡出來了﹗護士姐姐一面講解, 一面用濤濤作示範. 哈...濤濤一開始便喊了﹗全程也在喊喊咁, 只有在水中一會沒有喊. 哈.....最攪笑係, 佢沖完涼一刻, 護士姐姐準備同佢著片, 那一刻佢就對著護士小便, 令到謢士姐姐十分尷尬, 哈.....好攪笑呢﹗護士姐姐也只好說佢乖, 會請佢飲茶﹗哈哈......

沒想到佢第一次就咁攪笑下完成了﹗

做了媽媽的感受

今天我們第一天長時間相處﹗為什麼....因為我們可以帶BB入房中照顧一下, 下午2:30左右到我們房中, 直至晚上9:00才回育嬰房中.
下午BB便入到我的房間中. 我便開始餵奶, 之後, B表姨來探望他﹗表姨同他玩了一會, 濤濤便睡了. 到下午5:30左右, 他突然喊起來, 我估是肚餓吧﹗但其實與實際食奶時間差1小時呀﹗佢喊了很久大約15分鐘, 我忍不住餵了他. 不知為何食完奶,仍是喊呢﹗攪了很久他仍是喊.......剛巧祺與CALVIN來探我們呀﹗真的失禮呢﹗勁喊﹗哈........做了很多東西佢都係喊....最後, 原來還未飽呢﹗食了60ml奶後, 佢就乖乖地睡了. 就算好多人來探他, 他也睡得好好, 直到離開我們房間的一刻﹗
佢走了那一刻, 我感受到原來要湊bb真的一點也不易. 因為, 有時真的估不到佢想點呢﹗而且, 怎樣才知自己的決定沒有錯呢？是真的需要抱抱, 還是佢扮野呢﹗求主給我多一點智慧﹗

成功有母乳了...不過, 唔夠飽要再食﹗

今天佢多了開眼呀﹗

超攪笑的胃食樣﹗

初次哺乳

今天我終於可以下床了﹗昨天由手術室出來至今天早上都沒有下過床, 原來, 不能下床都會很累, 因為身體好似沒有動過, 固定在一個位也會很累的﹗幸好, 昨天都睡得不錯呀﹗能下床後, 我被嘗試去到餵奶給濤濤飲﹗

原來, 當你能餵哺母乳給自己的BB那感覺真的好奇妙, 突然, 感到自己與他很近, 他真的是與我有關係的﹗從來沒有感到的親密﹗

感謝神, 在過程中都十分順利, 雖然, 我自己也有點怕, 但比起我想像中簡單得多﹗所以, 我在今天餵了3餐, 濤濤都食都幾好, 而且, 幾大食呀﹗哈哈....佢真的好可愛呢﹗

濤濤今天也開眼晴了, 昨天, 我們沒有見過佢打開眼睛, 我在今天餵奶時見到, 可惜爸爸或其他人都未見到呀﹗我覺得佢眼睛不是很大, 但其他人話佢應會很大的﹗不知呢﹗可能明天又會見到大點呀﹗

濤濤出世了

今天是濤濤出世的日子, 我們約了中午時份在仁安醫院開刀取出BB.

今天一早我們兩人準備好一切, 便出發到醫院了﹗我的心情不太緊張, 世忠就緊張一點﹗到達後, 辦好了手續, 我們便換上合適的衣服, 等待到手術室﹗

到了手術室, 我與世忠先分開. 我先被推入手術室中, 去到等候室, 等待入去手術室時, 心情開始有點緊張了﹗當見到葉醫生後, 心情更緊張, 幸好, 他是一個叫人放心的醫生, 給我很多安慰的話﹗等候了一會, 就在我們預約的時間, 他們把我推到手術室中. 跟住一個麻醉科醫生-鄭醫生, 便幫我開始進行麻醉, 當一打那半身麻醉葯了, 不到5分鐘我的下半身就沒有感覺了, 很快呢﹗跟著葉醫生便開始手術, 那時世忠也入到手術室了.
其實, 雖然我是半身麻醉, 但感覺仍不是很清醒, 要想當中的細節是要用心去想想的﹗在記憶中, 世忠入來後, 很快地我們已聽到BB出來了, 世忠被邀請去幫BB剪臍帶, 他說不易剪到﹗之後, 我們便在手術室拍下第一張家庭合照. 跟住世忠便出去了. 我就要縫針後才出去. 其實, 世忠出去後, 我已不太清楚自己做過咩了﹗好似自己的清醒, 但又似睡了的﹗哈哈....

在手術室中的合照

濤濤在保溫室中.大家都話佢似世忠......

不過, 回想全過過程, 我不是太累, 精神都OK呀﹗一切也很感恩﹗因為所有醫生也很好呀﹗過程亦十分順利, 感謝世忠的陪伴. 感謝身邊很多人的關心及支持呀﹗BB也十分健康﹗一切也很感謝神﹗

濤濤出世﹕11月17日, 3.55KG