放學了

濤濤現在返學有一點喊, 常似不捨得﹗老師話這情況是正常的, 因為可能初初的興奮及興趣少了, 但之後又會冇事﹗不過, 我想佢真係好快會冇事, 因為放學時, 你見到佢勁開心, 就知其實佢在返學時是十分開心的﹗雖然, 在佢返學時喊我真係見到心到痛埋, 但回想佢在返學咁開心, 就覺得不要諗太多﹗
　

濤濤放學的情況﹗

玩積木

記得濤濤18個月時到健康院評估, 那時姑娘姐姐叫佢疉高積木, 佢是做不到的, 回到家中有一段時間我也有刻意訓練佢, 可惜佢是迫不來的﹗越叫佢做, 佢越不想做﹗唉....有D野真係迫唔到呀﹗
昨天, 濤濤突然想玩積木, 都有一段時間沒有玩了, 可能家裡現在太多東西佢可以選擇, 所以沒有玩一排了, 一開積木佢已很開心了﹗估不到昨天濤濤與姐姐一齊玩積木時已變得識怎樣玩了, 佢可以畳高, 又會知道積木上的是什麼公仔, 見佢真的進步不少呀﹗很開心, 我常常都覺得自己不懂怎樣教佢, 感謝主, 姐姐很會同濤濤玩, 加上現在開始返學了, 佢學習的速度真的快了很多呀﹗很想在這段時間教佢多D野呀﹗

濤濤會疉高, 還會說出不同的積木有不同的公仔.

排排坐

今早係濤濤第7日返學了﹗今天佢起身時勁喊, 可能因為唔夠SLEEP啦﹗但好在當著鞋時又OK了﹗感謝主﹗除了第一天外, 濤濤每天返學也好開心, 老師話今天佢可以開始返長時間點, 由9:00-2:00, 他是第一批返長時間的小朋友, 濤濤咁叻﹗媽媽也有一點自豪, 希望濤濤真的喜歡校完生活啦﹗
在坐校車途中, 唔知點解濤濤突然想起, 在上月牛奶姨姨教佢的排排坐, 佢自己係到講, 仲講到幾句"排排坐, 食果果, 你一個" , 好叻呀﹗我問是誰教濤濤, 佢還會講姨姨, 我見佢有咁大的進步真的很開心, 我回到學校問老師是否有教過排排坐, 老師話沒有, 那真的代表濤濤是記得在上月牛奶姨姨同佢玩過的排排坐﹗
不知是否返學了, 濤濤更易吸收不到的東西﹗見著他每天的進步實在感恩﹗

可適我捕捉不到佢講得最開心那一段, 不過這段都OK啦﹗同大家分享下﹗

返學了

很久沒有寫BLOG了, 不是遺忘了, 而是做了大懶蟲﹗哈哈﹗
但今天確實特別, 所以, 覺得一定要記下來, 如果唔係濤濤大過了也許我也未必會記得﹗
今 天是濤濤第一天返學的日子, 我一早起來, 為他預備好一切上課的用品, 因為濤濤學校幾特別, 而且佢將會返全日學, 所以, 都有幾多野要預備呀﹗我用了20分鐘由叫濤濤起身到出門口, 我覺得自己都幾勁﹗不過, 我幾勁都冇用, 如果不是DADDY在, 我想我們未必可以一早回到學校呀﹗
在車程中, 濤濤也十分開心, 也許, 一早起身DADDY及MUMMY也在對他來說而是十分開心, 再加上去街, 嘩﹗他真的開心到死﹗
到 了學校, 初時佢都OK, 自己四圍玩下, 但不知為何玩了一會就要黐實我地, 老師陪佢做咩都唔肯呀﹗我們也沒有迫佢, 只希望佢能投入下來﹗第一週的上課時間只是1小時15分鐘, 時間都過得幾快, 濤濤除了大叫下, 有一點褸計, 再有一點唔合作外, 其實都算OK LA. 雖然, 其他小朋友好似好D...哈哈﹗
今天放學後, 濤濤已覺得勁疲倦了, 回家洗澡後便了. 我對自已說雖然今天表現不算好好, 但希望在明天呀﹗明天一定比今天表現更好﹗

濤濤在門口等待出發﹗

哈, 個書包仲大過佢咁﹗

一番到學校同小朋友玩時..都幾開心呀﹗


之後, 成日要黐住, 全部小朋友坐在這校車車上, 佢也不肯坐寧願行﹗

放學了, 好開心, 因為在遊戲室玩得開心及老師走時送了禮物給他.