第一個暑假

今年是濤濤人生第一個暑假, 有暑假即係已返學了. 對他來說不用返學與要返學的日子最大分別是被人叫醒還是自己起身﹗
為了他暑假不用太空閒, 我為他報了一個暑期班, 那暑期班的特別是國際學校舉辦,所以, 我也有點擔心濤濤不適應. 不過, 原來那擔心是多餘了, 他只是第一二天返學時有點喊, 但每天放學回來也十分開心, 而且返那裡後我覺得佢有點不同了, 似長大了一點及再開朗了一點﹗我當然問下佢在學校裡做了什麼, 不過, 佢一點都講唔到, 可能因為係英文啦﹗不過, 佢返得咁開心,即係話佢知佢地做咩的....那已足夠了﹗
昨天, 我去接濤濤放學時, 有一個平時沒有見的姐姐在那裡, 佢對我說很多老師也喜歡濤濤, 因為" HE SO CUTE!!" 我問佢有咩咁CUTE, 佢講了幾個例子, 都是同講野有關, 我都明有時佢那些無知及單純實在可愛﹗那一刻我也明白多了, 為何濤濤喜歡那裡, 因為那裡的人也喜歡他﹗
暑假話咁快已過了一半, 還有一半媽媽也要計劃一下怎樣好好運用﹗ 

在那裡我們遇上了在BOXHILL返PLAYGROUP識認的ADAM, 但濤濤話唔記得佢喎﹗(左1)

妹妹8個月了

 第一次去泳池游水,不算成功, 可能因為D水凍啦﹗妹妹只係坐在池邊玩.

 8個月的妹妹好利害佢可以扶住床仔站位20多分鐘了. 又學會從爬去番坐, 又能在床上四圍攪野

第一次去海灘,嫲嫲悉心照顧妹妹呀﹗

.

可憐的妹妹

成日話濤濤冇蝦亞妹, 今次拍到罪證了.....你見到妹妹幾咁可憐...但咁樣佢可能就可以更堅強地長大下來﹗
(濤濤扮妹妹爬又幾可愛呀﹗哈哈哈...)

妹妹下沙禮

 

為了讓妹妹有更多不同的經驗, 我們決定要佢玩玩沙, 希望佢起碼不會怕. 其實, 這個6月我們已去了一次沙灘及一次泳池, 這是第二次到海灘, 好好, 妹妹不怕沙, 而且, 同哥哥一樣喜歡食沙. 或許, 這就是他們探索的方法﹗

見佢玩得開心, 我也覺得很開心呀﹗

 



7month

妹妹這個月學懂了怎樣在床仔扶住站超來，而且開始食糊仔了

兩個孩子

做了兩個孩子的媽媽後生活真的比以前更忙碌, 而且, 要付的心機比以前更多, 有時更覺得比老公的愛也少了﹗看來要做一個稱職的太太或媽媽一點也不易﹗

前一陣子去了一個組員的家, 那家簡直是理想的家, 令我再一次想起自己未有小朋友過的生活與現在真的很不一樣﹗不知是否近日病得令我感到有點累﹗在那一刻, 我竟想到"如果我沒有小朋友多好﹗", 可以過番兩個人生活, 喜歡怎樣就怎樣的生活有多好, 不用擔心這擔心那﹗想想自己工作曾是多麼精彩, 比起現在湊小朋友多麼的不同﹗想到真的有點討厭他們﹗或許, 人就是這樣自私, 當沒有那樣時, 就想要那樣東西﹗
但感謝神, 當我再回來看著自己那兩小鬼, 我知道他們真的是神的禮物, 沒有他們, 我生命沒有這樣的精彩, 充滿機會地成長, 雖然, 有了他們總是會失去一些東西, 但他們也給了我很多很多東西﹗ 湊他們是疲累, 但也是滿有樂趣﹗ 沒有了工作是有點可惜,但可陪伴他們成長是難得的機會﹗ 想一想, 每件事真的可有很多不同的睇法, 或許, 一刻的反思, 已令我感到人生不再一樣, 再充滿力量走下去﹗很感謝世忠給我機會與孩子們一同成長﹗能有一對這樣可愛的小寶貝, 夫複可求﹗

近日很想為這小寶貝預備好的是...教他們怎樣相親相愛, 那是對他們很寶貴的事﹗因是一輩子的關係﹗要濤濤與曦曦我很想他們能相親相愛, 在生命中互相扶持成長, 這可以很易, 但也可很難, 而這不是他們要怎去做, 而是父母做了什麼令到他們知道, 明白怎樣做﹗我仍在學習怎去做一個合宜的媽媽, 一點也不易, 但感謝主, 總給我指引及方向﹗也讓我知道愛是什麼, 給我更有力量去愛﹗

妹妹6個月

這個BB她的成長完全乎合進度，6個月的她已學會了爬，一個星期前還只會向後爬，一週後便學會了向前。

第二次做花仔

今次是濤濤第二次做花仔, 第一次是一年前的事了, 那次很成功﹗
這次做花仔沒有上次咁易了. 因為濤濤識識地野,叫佢試那花仔衫, 一直也不肯試, 令我很擔心佢當天也不肯著呀﹗而且, 現在不是你叫佢著咩衫佢就著, 而是佢也會選擇的﹗
為了他能成功做到花仔, 我成日都要同佢講著花仔衫的事, 令他接受到自己要著, 又找一些做花仔的短片比佢睇, 讓佢知道做花仔係咩一回事﹗很感恩, 今天做花仔一事很成功﹗
由換衫到在教堂步行也十分順利﹗謝謝濤濤的合作﹗

在過程中, 沒想到濤濤都幾攪笑, 佢見到花女, 竟然對我說佢好靚, 我叫佢拖住佢行, 濤濤立刻很溫柔的拖著對方, 在練習及正式時也很開心地拖著, 很得意呀﹗事後濤濤也有問幾時可以再見到花女, 估不到濤濤仍記著她﹗

一齊玩

上週日哥哥與妹妹第一次一齊玩,那玩具是早前表姨送的車車, 濤濤車著妹妹開得好快, 妹妹的反應是呆了﹗但我感到佢地兩個都開心的﹗希望他們繼續可以一同玩,相親相愛﹗

離家出走﹗

濤濤人生第一次離開屋企與我們分開﹗

昨天, 澄澄一家在我們家食完飯回家, 濤濤突然很不捨得他們, 很想跟他們去, 突然, 有人提出叫濤濤去他們家睡, 估不到濤濤很開心答應了, 我們勁講很多條件, 如沒有奶飲, 只得佢一個去, 不可以去了又叫回來.....他一一都答應了, 而且, 很開心地去了亞伯的家住﹗走時, DADDY怕佢只是一時貪玩答應, 又再講話DADDY好唔捨得佢叫佢唔好去, 話自己會喊﹗濤濤竟然大聲回答, DADDY唔駛喊呀﹗哈哈﹗好攪笑﹗
濤濤走那一刻突然感到:他長大了﹗

5個月的妹妹

 

話咁快又一個月了, 妹妹都大得幾快﹗妹妹是一個醒目BB, 因為佢現在已認人了, 不熟人佢不肯比人抱﹗而且, 佢現在都幾有心學野的, 無論是我或姐姐同佢玩, 佢都很留心的﹗希望她長大後也用心做事﹗

獵蛋

 本年的復活節重點活動﹗船河+ 獵蛋﹗
為了這活動我們早前刻意帶濤濤先坐下船, 等他這次坐船會冇咁驚, 不過, 原來我們都想多了, 只要有其他小朋友一起, 他什麼都忘記了. 什麼驚, 什麼唔鍾意, 咩都冇曬﹗而且, 有佢好朋友卓瑤, 他已十分開心, 再加埋Hayden, Jose及Mat Mat, 濤濤真的好開心﹗

 在坐船過程,濤濤好叻沒有暈船浪, 反而媽媽就麻麻地, 初時都有點想吐, 好在後來冇事﹗這次我們坐遊艇去了梅鍋的沙灘, 在那裡我們食午餐及玩遊戲﹗那天我們個個都很開心呀﹗

 濤濤與小朋友在舺舨上玩得好開心﹗

我們開始玩沙及尋蛋了. 那些蛋是大人先預先埋好, 再叫小朋友找出. 初時大家都好努力咁找尋, 但因為真的一點都不易,很快好多人都放棄了. 我地最後找到6隻, 但其實全場有50多隻, 全部人夾埋都係只找到30多隻, 仲有20隻唔知去左那裡呀...真可惜﹗但大家玩得開心就可了﹗