住家男

近日買了一系列的睡衣比濤濤, 佢十分喜歡, 而且, 佢也著得十分好看﹗最喜歡是黃藍間的猴子海盜, 因為與佢最喜歡的KIKI'S BLANKIE 的主角也有這造型.
我常覺得濤濤是住家型的男孩子, 雖然, 佢很喜歡去街, 但也十分愛回家﹗每次當佢真的感到累了, 你不用叫佢也會自己主動說回家﹗這點令我覺得好利害, 那有一個小朋友不貪玩, 但佢不會因為繼續想玩而不肯回家, 那真的很不似小朋友﹗希望濤濤長大後也是愛在家的人, 那可以多隌我們呀﹗

妹妹第一次發燒

 妹妹在她的人生第一次真的病到了, 這次真的慘呀﹗先是因為佢打完第三次針而引起的發燒, 燒到103度,之後, 又因為全家都被感冒入侵了, 她也不能幸免. 故這次他病了一個星期多, 本來我都沒有打算帶她睇醫生的.但因為佢咳到嘔, 根本飲不到奶, 好不想下也要去探探醫生.
妹妹十分不喜歡食藥, 一食佢就吐出來, 又勁喊. 想起哥哥在BB時第一次病, 爸爸及媽媽沒有咁亂了, 可是也十分擔心, 希望黃小妹你快點好番啦﹗

天星小輪

近日濤濤真的很喜歡海, 因為這樣, 我們又帶他向海出發.
今天, 我們去了坐"天星小輪", 在濤濤有知識來,從未坐過船, 故今天的活動對他來說十分期待, 由我們告訴他去, 到出門口, 坐車的過程他的很興奮. 因船對他來說太有吸引力, 可以在他喜歡的海上行走﹗

當我們到了碼頭, 不知為何濤濤突然有點害怕. 佢有點抗拒去, 但最後還是在DADDY抱住下走去碼頭. 上到船我們當然找個近船邊可以看到風景的位置, 可惜, 濤濤話怕, 不肯坐. 只好讓他坐在我們中間. 他沒有預期那興奮. 不過, 坐完時, 佢也說十分開心. 或許, 要給他多點空間, 讓他去接受他的害怕.

妹妹玩具

 

妹妹近日有一個很喜歡玩的玩具, 那玩具是由牛奶姨姨借給我們的, 妹妹每次玩都很專心, 而且, 佢更想到不到方法去玩, 佢可以玩到把掛住的公仔掉下來, 可以玩到成個PLAY MAT"淋"左, 佢仍然繼續玩, 見佢玩的方法, 有時都覺得幾攪笑的﹗妹妹都是怕悶的BB, 有時就咁放佢係到, 佢都四圍MOVE, 有了這個PLAY MAT真的增添她不少樂趣.

海

海灘

近日濤濤愛上了海, 不知是否在學校老師講過"海", 有一天放學, 佢指住個海, 好大聲及興奮講海, 之後, 每天經過那裡佢都會同我講, 怕我不知那裡是海. 之後, 我們也曾帶濤濤去到西貢巿睇海, 佢亦十分開心﹗常常也提住.
前幾天濤濤冇返學, 故今天我們帶濤濤出外走走, 佢立刻提意去海, 所以, 我們帶了佢去烏溪沙的小海灘. 今天天氣好好, 不過, 水仍很冷. 濤濤去到好開心, 一到達立刻玩沙, 跟住DADDY教佢去玩水, 佢玩得好開心, 又好攪笑, 因為佢未懂怎樣玩, 好快就玩到個PAT PAT濕曬, 好攪笑, 我們那天就在這歡喜快樂地過了一個下午﹗

背影

 

濤濤玩到PAT PAT濕曬﹗

DADDY同濤濤都玩得好開心﹗

嘔

記得親戚曾同我講過, 我細個成日喊的, 故有名"喊包", 而且, 喊時很易便會嘔,除了喊到嘔外, 飲益力多或維他奶時都有機會嘔,所以, 小時候那些飲品是遠離我的﹗不過, 在我回憶中, 嘔那情景在我腦中的印象不深.
近日, 我發現濤濤都很易嘔的, 尤其是在佢咳時更多差不多每天都有一次, 多是在飲奶後, 佢一咳便會嘔, 有時我會想是否佢個胃好淺呢？咁易一咳便嘔, 嘔對於濤濤不是一件陌生的事. 但佢每次嘔仍很害怕, 可能那是他不知怎樣控制的事.
雖然嘔不是好事, 但我發現, 濤濤與我小時候也有一點似時. 哈, 我覺得這發現好得意, 終於,有一些野濤濤是似我了. 不過, 這不是好野囉﹗呵呵.....

KiKi's Blankie

從小到大濤濤對睇書都係一般, 返了學就好一點, 現在他終於會開會自己攞圖書來睇了, 雖然未會時刻也想睇書, 但那已是一個很大的進步呀﹗
為了讓濤濤更多機會睇不同的圖書, 除了每週學校的兩本圖書外, 我們還去公共圖書館借圖書睇. 第一次去過後, 濤濤都喜歡去, 不過, 佢還不太明白那借回來的概念, 佢覺得那書是我們的. 有次, 我們借了一本書叫"KiKi's Blankie" 濤濤很喜歡這故書. 自讀完第一次後, 差不多每天都讀一次, 而且, 每次讀時佢也十分投入, 當故事講到KiKi's Blankie唔見了, 佢就十分唔開心, 仲有點想喊呀﹗我們也覺得佢十分喜歡KiKi, 可能那故事佢簡單易明. 濤濤喜歡到, 佢話那本書是佢的, 不肯還書, 我們續借了兩次, 濤濤仍對那書很不捨. 故我們決定買下那書. 我找了很久才在網上找到. 這是濤濤第一本喜歡的圖書, 我想都值得買的. 但那書一點都不平 ^.^
原來, 要一個人喜歡做一些事, 真的要花點功夫. 我要努力, 多學習怎樣把好的習慣及行為加給濤濤.

Kiki's Blankie 書Review: http://www.youtube.com/watch?v=ZsgQFr4_fxo

簡介: http://www.janiebynum.com/kiki.html

曦曦4個月

妹妹4個月了, 這個月媽媽覺得過得很慢, 可能沒有什麼特別事發生啦﹗4個月的妹妹似沒有什麼大的改變, 食奶依然2-3個小時便要食, 食手指的情況多了. 會嘗試拗腰去睇東西, 未會返身, 但喜歡企係到及爬係到﹗害怕去新地方, 不喜歡陌生人抱﹗
妹妹真的與哥哥有很大的分別. 神造每人的確有每人的獨特性, 願我發掘到妹妹的特點﹗
開始想反身

夾夾仔...好CUTE

試下坐

與爸爸一起睇書

妹妹最愛的玩具

爸爸話妹妹著粉紅色才好睇.

哥哥雖然有時忍唔住打了妹妹, 但其實我知佢好鍚妹妹的.

EE拍下的百變小妹

眼仔彔彔.

Strong 妹妹

我想妹妹應是十分活潑的女孩子, 因為現在佢已不太喜歡靜靜地坐定定﹗還早一陣子時, 她喜歡直抱式, 不喜歡只仰臥, 喜歡坐在小椅上. 近日, 她更愛"把"係到﹗而且, 佢條頸又夠硬, 故佢可以"把"好耐, 而累了她更懂反轉, 雖然, 好似是應該一定識的事, 但在我記憶中, 哥哥是沒有妹妹咁快咁強壯的﹗希望這強壯的身體, 令佢將來有健康身體及能保護好自己﹗

肚腩痛

昨天濤濤沒有返學﹗因為在前一天晚上佢因為肚痛又疴唔到, 所以, 我們叫佢不要返學, 因不知佢有咩事﹗
因不用返學佢前一晚又睡得不好, 所以, 可以9:00幾才起身﹗起身後見佢似冇咩事又食得又玩得就叫佢不如返學啦﹗因為家裡有點悶佢立刻話好, 但可惜老師講過不可以返半天的﹗故我們打消了這個念頭﹗不過, 濤濤知道冇得返學, 佢就四圍找野玩一會去探鄰居狗狗, 一會出外吹泡泡, 下午, 我們更到澈澈家玩一下﹗我想佢可以疴到便便後, 便一點事都沒有了﹗
這個可愛的小朋友, 有人問佢為什麼不返學呀﹗我就教佢講"我肚仔痛囉！"不知佢為何會改為肚腩痛, 可能因為我是指著個肚來講, 佢成日話個個係肚腩, 所以, 佢話比人地知係肚腩痛, 都幾好笑﹗
今天早上, 佢睡得不夠, 竟然跟我說"我唔舒服, 唔駛返學'", 跟住我問佢那裡不舒服, 佢又講唔出. 好在佢仲未學會扮病, 不過, 我冇諗過昨天一次因為病不用佢返學, 佢咁快便學會這道理"病係不用返學的".

同場加映....堂兄弟大戰

吓....暗瘡

今天早上起來, 發現妹妹臉上有一粒暗瘡﹗我與姐姐也話下唔係呀﹗咁細就開始有暗瘡幾時到大呀﹗當然, 那暗瘡好細, 亦似比蚊咬咁, 但在年紀少少的妹妹臉上實在也十分覺呀﹗
唔通真係青春無敵﹗之後, 我帶妹妹出外散步, 有幾個姨姨見到都話, 妹妹咁細就有暗瘡﹗跟住其中一個姨姨話應是我食了一些燥熱食物令妹妹這樣﹗
但這幾天我也沒有食什麼燥熱東西, 不知為何妹妹咁﹗希望那小暗瘡快點退啦﹗變番個可愛小妹﹗