大笑

自我工作後, 濤濤就在嫲嫲家住, 不經不覺也住了差不多一週了, 我覺佢很喜歡嫲嫲家, 可能在那裡環境又舒服, 又成日都可以睇到電視啦﹗因為濤濤在嫲嫲那裡住, 所以, 我們相見的時間少了很多呀﹗我與爸爸每天放工也會去嫲嫲家睇下佢同佢玩, 佢也很合作, 通常那段時間佢都沒有睡覺同我們玩一會﹗我們也很珍惜那段時間﹗好得意, 不知為何, 濤濤近日好似好喜歡爸爸, 一見到爸爸就大笑, 而且, 爸爸沒有同佢玩, 佢也望實佢好似等緊爸爸同佢玩咁﹗令我很羨慕呢﹗是否真的爸爸太攪笑呢？令濤濤只要看到佢也不禁大笑起來﹗

這是其中一次濤濤見到爸爸時的大笑﹗

再次爬下了

在1個多月時, 我試過比濤濤爬爬, 那時佢個骨架未夠硬, 所以, 都見佢爬得有點辛苦, 而且, 好多媽媽也話我不應咁快比濤濤爬對他不太好﹗所以, 這2個月都沒有再比佢爬下了﹗

不過, 近日我見濤濤在嫲嫲家住了, 個人好似硬"鄭"了很多, 可能因為曬得多太陽啦﹗我再次試下比佢爬下. 佢一爬下就勁開心, 好似好喜歡咁﹗

以下是那一次爬下拍下的.

3個月了

轉眼間就3個月了﹗諗番濤濤初初出世時的辛苦, 現在又好似冇咩咁﹗哈...可能回憶總是美麗一點啦﹗3個月呢....濤濤冇咩好大的轉變, 他現在懂得同你傾計啦﹗你同佢玩佢有反應啦﹗會開始認地方及人, 個人也穩定了一點, 沒有咁易喊﹗仲有, 完成沒有食夜奶﹗
不過,我想, 濤濤3個月最大的不同, 就是那天開始媽媽便要返工了﹗媽媽第一天上班的日子就是2月17日. 正是濤濤3個月的那天. 由那天開始, 濤濤便要住在嫲嫲家了. 希望佢習慣啦﹗我真的好唔捨得佢, 但沒辦法啦﹗能夠有能力工作也是一個福份﹗

大年初一

新一年向大家拜過年先, 祝各位身心靈也健康, 凡事都知足, 常常都喜樂﹗

今年新年我沒有像往年好多好多的節目, 只是初一到初三都要拜年. 不過, 今年的特別是我們家庭成員多了一個人, 很開心當別人問到﹕"你一家幾口呀？" 我會很雀躍地回答"3個"再把濤濤介紹給他們認識. 家裡能有多一個成員是很開心的事, 雖然, 有時也會感到沒有以前咁自由, 很多事也要先替濤濤想想, 才可以決定. 但真的, 有了濤濤生活的動力不再一樣.

講番拜年啦﹗哈...其實冇咩好特別, 因為濤濤仍是太細了, 新年對他來說, 可能一點也不開心, 因為他常常要在街睡覺, 又要去又嘈又多人的地方, 今年仲要咁凍, 我想濤濤一定很不想我們出街. 不過, 我想濤濤最大的感受是, 在這幾天每一日都能見到澄澄家姐, 因為我們的親戚基本上是一樣, 所以, 差不多每天也見著, 由年二十九至年初二, 每天也一起, 澄澄喜歡濤濤很容易明白, 但濤濤也很喜歡澄澄這我覺得好得意, 為什麼我知道他喜歡呢？因為每一次當他見到澄澄家姐, 佢便會好開心地笑, 而且, 是笑到"car car"聲咁, 佢也會主動想同澄澄玩呀﹗雖然, 他不能同澄澄玩什麼, 但也很喜歡望著佢, 總之, 他跟澄澄走在一起便感到開心﹗這真的好得意呀﹗沒想到咁細的小朋友也會懂這樣. 希望他們大個後也能成為好好的朋友啦﹗

在西貢黃宅拜年﹗

小肥仔

濤濤有一個大頭, 我真的發現佢個頭比其他BB大的.

有好多人都話濤濤不夠肥, 沒有那種節瓜手, 只是以為他是一個大頭仔, 其實, 濤濤都係一個小肥仔來的, 大家沒有發現到, 皆因濤濤的肥是收藏起來的. 或許, 他自少便太愛美, 把自己肥的部份收埋, 令人以為他是瘦的.哈哈...唔通BB都怕肥. 今天我就為大家介紹下, 我家的可愛小肥仔啦﹗

這是濤濤在沖涼前拍下的, 未把尿片除下來, 只係會見到佢小小肚腩,


當除了尿片後, 他的肥便出來了...你睇下..大肚腩+肥肥腳


濤濤除了有肥大的肚腩外, 還有, 雙下巴, 這雙下巴濤濤也收藏得不錯, 平凡人不易看到.

濤濤與爸爸傾計

濤濤不知會不會是一個多野講的人呢﹗但係佢一定係一個好鍾意傾計的小朋友, 平時佢日日都會同媽媽傾計的, 有時其他人抱佢同佢講野佢也會同佢講野, 哈.....d人話佢似爸爸咁多野講喎﹗哈, 其實, 爸爸係家中不是太多野講的. 健談都係一件好事, 不過, 希望不要過多啦﹗做父母的真奇怪, bb不講野又平佢會不會係自閉, 講太多又怕佢煩﹗哈.....有時真係自己都唔知自己想點呀﹗

這是昨天晚上濤濤與爸爸的對話. 哈..佢講到咳呀.....

美容班

上週五濤濤參加了美容班, 是什麼東西.....媽媽為什麼會幫佢補這些班呢？
哈哈....其實, 不是我幫佢參加的, 是濤濤的2個姑媽幫他清潔, 令濤濤變得靚仔了. 所以, 我話佢參加了美容班.
當天, 因為媽媽有事要做, 將濤濤一早便放在嫲嫲家中. 那天二姑媽也很早到嫲嫲家, 所以幫手湊濤濤, 當食奶時, 濤濤不小心嘔了很多奶, 而換片時又不小心弄到成身都係"糞",所以, 二姑媽便幫濤濤沖涼, 沖涼後二姑媽覺得濤濤耳仔好dirty, 跟住就同佢清潔. 不久大姑媽去到嫲嫲家, 見濤濤好多頭泥, 覺得要同佢清潔. 所以, 就用了橄欖油幫濤濤先焗油, 後清潔. 當我回到嫲嫲家時, 見濤濤衫不同了, 頭上又包著毛巾(在焗油中), 才知道他們幫濤濤清潔呀﹗佢地同濤濤清潔完, 濤濤真的靚仔了. 哈哈....我這個媽媽真的不太懂呢﹗好在有他們幫手﹗爸爸見到清潔的濤濤也十分開心﹗

以下是清潔頭泥的過程.

1. 先把大量的橄欖油"查"在佢個頭, 然後用棉花蓋好

2. 為到令到油好好軟化頭泥, 要用毛巾包好.

3. 用毛巾包了一會, 發現效果未如理想, 改用保鮮紙.

4. 因為濤濤成日擰頭, 所以, 我地同佢帶帽, 令到保鮮紙令固定.

5. 最後, 就是用梳慢慢把頭泥梳出. 這是最難的工作, 沒有怕下來.