奶樽

7個月的濤濤, 他懂得自已攞奶樽飲奶﹗

初初比佢自己攞住時, 佢都不太喜歡, 可能人就係懶啦﹗而且, 有時佢會初初扮攞唔到, 到我幫佢後佢立刻放開手, 等我攞住, 我不幫佢攞便喊﹗都估唔到咁細的bb也會咁醒﹗不過, 但當佢發現, 如果佢自己唔攞, 我係唔會幫佢, 佢又冇奶食, 佢就努力攞住個奶樽﹗經過一週的訓練, 佢現在做得好好了﹗有也還會坃下個奶樽, 攞出來, 又放入去﹗我見佢當知道自己能做到一些事, 佢在笑﹗那就是滿足吧﹗

拍拖夜

自從工人姐姐來了, 濤濤便沒有到嫲嫲那裡住了, 為了讓爺爺及嫲嫲仍能多點與濤濤相處, 所以, 每週四及週五濤濤便會去嫲嫲家住﹗因為咁, 每週我們便有一天free了出來去拍拖.

這拍拖夜, 我們曾去過睇戲啦﹗去行街食飯啦﹗去山頂啦﹗自製浪漫晚餐...........突然, 上週老公提意不如我們用這天的時間去接待一些弟兄姊妹﹗我覺得這個提意勁好﹗而第一對我們接待的就是我們的保仔保女.

昨晚的晚餐, 真係十個好, 勁好味﹗老公真的預備得好有心機呀﹗以下的相片與大家分享下啦﹗

濤濤加油呀﹗

很可愛...濤濤嘗試起身﹗可惜最後也不可以, 但係我覺得佢好攪笑, 所以同大家分享一下啦﹗

So Hot!!!

昨天, 天氣好熱, 這樣熱的天氣令到平時好少發脾氣的濤濤, 昨天心情也差極﹗他很少在別人面前大喊及扭計, 但昨天一直覺得濤濤好乖的人終於發現濤濤另外一面﹗

我想昨天是濤濤第一次感受到好熱﹗這是冇心機的濤濤﹗

本來著得好靚仔的濤濤﹗最後也只可以把衫除掉, 只餘下底衫一件﹗大家叫佢豬肉佬﹗

天氣太熱﹗濤濤真的冇咩心機﹗

7個月了﹗

7個月的濤濤, 他懂得嗲我們, 他認得的人會對他們笑及好開心, 他常要人陪他玩, 懂得玩接波遊戲, 試過游水,會轉身, 開始食粥仔, 糊仔及果蓉. 開始晚上不夠飽會想食夜奶. 而且, 定時睡覺了﹗
我覺他是一個lazy boy, 不知是因為佢太肥或是太懶, 玩時, 佢雖然想玩, 但試了幾次仍玩不到, 佢寧願放棄. 所以, 希望多d同佢玩比佢多d成功經驗, 不要咁易放棄﹗

swim again

今天是端午節, 這年是濤濤第一次過端午節, 一定要游下龍舟水啦﹗
這次濤濤泳術進步了, 亦沒有之前咁驚. 總之今次佢玩得好開心﹗

今次游水, 濤濤有著褲了, 所以, 可以給大家睇下濤濤的泳姿﹗

食腳指

不知是否每一個bb都會經過食腳指的階段呢﹗近日濤濤就開始愛上他的腳指......
雖然, 他是有點肥及腳短, 但還可以食到他的腳指, 不過, 他很快就會感到累!!!

而且, 濤濤知道我拍佢食腳指時, 佢不太喜歡, 不知是否感到尷尬呢﹗

濤濤與cell員卓瑤

昨天濤濤心情勁好, 所以, 好多人同佢玩佢也表現得好開心. 這是昨天卓瑤cell員同濤濤相處的情況. 他們相距10個月, 但暫時相處也不錯. 希望在未來的日子, 他們也能成為靈裡的好友.

雖然,很多人也喜歡濤濤, 他亦得到很多人的歡心, 但濤濤不是每一個小朋友也喜歡的, 有一些小朋友佢見到會不理睬. 但有一些小朋友佢喜歡的便會見到佢便笑及很想同佢玩, 卓瑤就是濤濤喜歡的小朋友之一.

(不好意思, 早前upload錯了movie!!!已更正了﹗)

世界杯

4年一次的世界杯又到了, 為了湊熱鬧, 我也買了一件波衫比濤濤. 有些人問我為什麼濤濤是著巴西波衫. 亦很多人以為我們是支持巴西, 哈...其實不是, 只是我覺得黃色比較襯濤濤呀﹗所以, 才買巴西波衫.
你地睇下靚唔靚.

濤濤與波

濤濤近日愛上家裡的小波, 每次同佢玩, 佢都好開心呀﹗其實, 濤濤不知是喜歡玩波, 還是喜歡有人同佢玩波呢？近日早上我們上班前, 如果濤濤起身了, 他總會像很不捨得我們似的, 在大叫及用手捉實我們的手, 這令我也很不捨得濤濤, 走去上班呀﹗我在想, 濤濤是否每天也很悶很悶地在家裡, 沒有人陪他玩, 喊的時候, 工人姐姐就會比電視佢睇. 雖然, 我覺得睇電視是不好的, 但也似沒法呢﹗這可能是他唯一的娛樂﹗ 像昨天工人姐姐話濤濤起碼睇了3個小時電視, 我感到很不開心, 濤濤真的好悶呢﹗所以, 每天我們下班回家, 濤濤見到我們總是很歡喜快樂﹗因為等了一天, 終於有人回來同佢玩了﹗

試車

爸爸為了提高我們的生活質素, 故他想買番一部車代步﹗
週六, 我們一家大細便出發去不到的地方試車, 濤濤那天心情好好, 不知是否知道就快有新車坐呢？ 我們問了表妹夫借了車, 便出發到港九試車 ﹗
其實, 濤濤對看到的新車沒有太大的反應(哈...因為媽媽懶都沒有每車走出去看看), 但坐在表妹夫的車子裡郤十分開心, 可能環境很新, 很得意吧﹗總之佢坐在車裡, 不知道看到什麼也會在笑, 好攪笑咁﹗也四周攪下, 好想接觸一下每樣東西咁﹗好像濤濤喜歡表姨丈車多點﹗
哈...不知濤濤喜歡以往一上巴士便睡的生活, 還是有私家車的自我小天地呢？


其實, 濤濤前面咩都冇的,只是看到一些紙放在椅背裡, 佢便勁笑.



濤濤一嘗做司機.....

投訴

這天晚上, 濤濤同爸爸玩了一會, 之後, 爸爸走了﹗因為濤濤夠鐘睡了, 但濤濤還未玩夠, 這是他的設訴......

翻身了

今天濤濤終於成功轉身了﹗見證著這情況的我們, 心裡實在有莫名的開心及興奮﹗哈, 不知是不是佢手短呢？好似仍是差一點, 要我幫一下才行, 但我想他練習多了, 遲點應可以自己轉到身﹗而且, 雖然濤濤要成6個多月才懂得﹗但我們的想法就是....濤濤做到便可了﹗不過, 其實, 我想濤濤能早一點做到的, 佢只是懶而已﹗

勁笑3分鐘

很易就笑的濤濤...那天他見到爸爸後...不停勁笑, 我想差不多3分鐘有多, 佢都冇停過笑....


後記﹕濤濤真的很喜歡爸爸, 因為他現在每次見到爸爸回來或爸爸走來同佢玩, 佢都會係咁笑及大叫. 又一證明我話濤濤係爸爸唯一的fans!!!

游水

上週六, 濤濤第一次游水呀﹗地點﹕就在家裡的浴缸中....
濤濤初時帶上水泡十分唔開心, 可能因為水泡"cool"住佢唔舒服﹗但我們把他放下水中, 他便十分開心, 因為自少佢也like 沖涼, 對水十分喜愛﹗這次游水真是正合他的心意﹗
初初, 我為了慳d水, 所以, 水的高度放到濤濤坐下能浮起便算, 那時可能因為濤濤的腳能"掂"地, 所以, 佢勁動勁游來游去. 但爸爸話太少水了, 要再加多d, 加到濤濤完全"掂"唔到地, 濤濤就有少少怕了. 可能他還未試過這感覺吧﹗佢便想我們去抱佢, 所以, 當水加到很多時, 反而濤濤只游了一會. 不過, 這也是一個好開始﹗起碼濤濤也有試過這感覺﹗我們也希望濤濤喜歡水, 尤其是爸爸, 很希望濤濤快點可以同佢一齊去泳池呀﹗


因為movie太sex了, 故不能放在這裡, 給大家睇下相啦﹗