2011年12月30日 星期五
2011年12月21日 星期三
FRIEND
卓瑤與濤濤自小便認識, 而且, 因為我們在教會同一個小組中, 故他們自小便是好朋友﹗濤濤在平時也會掛住卓瑤的﹗有時睇電視或行街見到一些東西, 如卓瑤也有佢也會記得, 而且很高興地告訴我, 卓瑤也有﹗
今年, 因為媽媽一個決定, 濤濤與卓瑤不在是在同一個小組, 好明顯濤濤在新小組不太習慣, 一來少了卓瑤, 二來所有組員也是不認識的﹗所以, 他似不太適應新小組. 我常常都在想是否自己決定錯了, 因為每次當我們在午飯或在教會聚會中, 濤濤與卓瑤或舊組員相遇佢也是十分開心的﹗而且, 感情似比以前更好﹗這令我更覺得, 好似很對不起濤濤, 因為我們的決定, 沒有考慮到他的需要, 原來, 這麼小的孩子, 也已有他喜歡及所需要的群體﹗
這也令我想起老師告訴我, 濤濤不易適應新環境, 新群體﹗幸好, 他生在大家庭中, 如果不是, 我想佢可能是一個怕羞仔, 常常躲在爸媽後面的小孩子﹗
希望, 濤濤快點適應新小組, 今年也快點過, 讓下一年他們能在走在一起﹗
好耐冇見後, 友情更深﹗
2011年12月16日 星期五
鞋
兩歲多的濤濤真的大個了﹗現在他會選擇著咩衫, 褲,鞋, 襪. 而當中, 最重要一定係自己擇才著的, 就是鞋了﹗
在濤濤返學時, 我預備了兩對波鞋比佢, 另外再買了一對布鞋給他﹗但隨著他長大, 很多鞋也開始不合穿了, 所以, 我與爸爸一齊去選一些鞋給濤濤﹗
我們買了兩對, 一對是WINNIE THE POOH的放在學校, 另一對是BOB THE BUILDER, 前者是DAD選, 後者是可選, 可惜濤濤見到後一點也不喜歡我所選的, 佢好喜歡DAD選那一對﹗我只好叫DAD把鞋帶回去換, DAD換了一對THOMAS, 雖然濤濤也不太喜歡, 但起碼佢都會著﹗
在著鞋上濤濤實在係好有要求, 就算買了新鞋回來, 除了那WINNIE THE POOH佢好喜歡肯著(可惜我放在學校﹗)其他的真的不太喜歡, 每天出門口時, 當我替他選了那一對鞋, 佢也是想著返那對他很喜歡的布鞋(FORGY 鞋), 濤濤對那鞋的長情, 真的解釋不了﹗或許那鞋真的好方便, 好舒服﹗就算我買了一對新布鞋-星星鞋也是沒有了FORGY鞋才肯著﹗(那星星鞋已經是佢自己選的﹗)
不知從小就喜歡選鞋的濤濤, 在長大後是否也是比較喜歡買鞋呢﹗
2011年12月11日 星期日
2011年11月24日 星期四
2011年11月22日 星期二
12朝
今天是妹妹12朝, 按傳統今天是要派薑醋的日子, 故昨天我們及嫲嫲一起預備今天要用的薑醋﹗爸爸今次很用心去學怎樣預備薑醋, 都好, 因為今次佢在坐月中都冇咩幫過手, 等佢為妹妹做番D野啦﹗不過, 爸爸真的對COOKING有點天份的, 佢預備得不錯, 而且, 很有心機﹗希望佢能把他的廚藝傳給濤濤及曦曦﹗
第12天的妹妹, 又大了一點, 好像跟初初出世很不同, 很多親戚都話佢似哥哥, 但我又唔覺, 可能有一點神情似吧﹗有一些人話佢鼻以下似我, 但我又唔覺得. 我覺得妹妹有點似嫲嫲, 爸爸話又唔覺, 好在最後都有一兩個人認同我﹗不過, 其實似誰又有什麼重要, 因為妹妹是獨特的, 最近可能被爸爸影響得多, 我都常提住自己, 不可以將妹妹與濤濤比較, 因為他們真的各有不同﹗我要努力做好媽媽的角色, 用心去愛他們便可﹗
2011年11月19日 星期六
學交親子旅行
學校一年一度的親子旅行在今天舉行了, 地點是香港動植物公園. 今天天氣不錯, 因為前幾天都是下雨, 我都擔心去不成呀﹗好在今天有太陽呀﹗而且, 仲有點熱﹗
一早濤濤便與爸爸出發返學校集合, 與同學仔一同出發到目的地, 因為我仍在坐月中, 這次親子旅行我只能聽爸爸的轉述, 未能置身其中真的有點可惜﹗早上出門前, 我同濤濤一齊執袋, 佢想帶很多東西去, 例如:波, 車仔, 餅......, 佢執袋已很開心, 我估一會兒見到同學仔仲開心﹗
爸爸話濤濤成日都很開心, 可能因為佢見到同學仔吧﹗不過, 佢現在成日蝦其他小朋友, 爸爸話佢攪到同佢好朋友的朗喬喊, 又成日攞人D野, 老師話這個年紀很多時都係咁. 希望濤濤不會成為小霸王啦﹗
這旅行只是去半天, 雖然係咁, 爸爸已話好累了﹗濤濤回來我問佢今天做了咩, 佢答我坐巴士﹗哈﹗這是他最記得的部份﹗跟住佢係咁講D同學名, 可能話我知佢地有去啦﹗我想今天佢一定好開心﹗
玩親子遊戲.
為食的濤濤係咁食人地的生果.
佢好朋友之一婷婷﹗
2011年11月18日 星期五
第七天
妹妹今天第7天了, 這幾天與妹妹相處十分開心, 都有一段時間沒有湊咁細的BB了﹗而且, 妹妹出世比濤濤輕差不多2lbs, 實在有很大分別﹗
這幾天晚上妹妹都算合作, 每餐中我都有大約2-3小時睡, 好似比起濤濤時冇咁辛苦﹗其實, 我都忘記了那時湊濤濤的情況, 只是,仍記得是很辛苦﹗因為我記得我有想過把濤濤掉在垃圾筒中, 因為佢真的成日喊及成日要抱呀﹗妹妹呢？都喜歡抱, 而且, 有時更要一齊才肯睡, 但感覺上冇濤濤咁辛苦, 可能也因為已有心理上的準備吧﹗
和妹妹一齊不知為何有一種很sweet的感覺. 雖然,佢只是BB, 但總覺得她似會很體會我的感受的, 或者這就是女仔與男仔的分別﹗
2011年11月17日 星期四
2011年11月16日 星期三
妹妹@HOME
昨天妹妹從醫院回來了﹗妹妹在家中當然佢未知發生咩事, 希望佢會習慣這裡的狗叫, 喜歡我們這個家﹗
濤濤一放校回來, 一見到媽媽及妹妹在家十分開心, 一來, 媽媽已回家, 另外, 佢都幾喜歡妹妹的, 而且, 可能因為佢沒想到妹妹會送禮物比佢, 佢真係十分開心﹗但有時佢對妹妹真係太熱情了, 很大力的對妹妹, 有時我都有點擔心, 好在爸爸常常提醒, 要讓濤濤接觸妹妹, 唔係佢會唔喜歡妹妹﹗有時, 我真的忘記了而太擔心, 好在爸爸睇得到而提醒. 不過, 昨天不知是否濤濤真的太大力, 有點嚇到妹妹, 成晚妹妹都要抱住才肯呀﹗
妹妹都算易湊, 佢都好喜歡睡, 而且, 睡得都幾多, 只是食奶麻麻, 昨晚可以由1:30食奶食到3:00才完成60ML, 嘩, 比起哥哥真的好不同﹗但哥哥又沒有妹妹咁易睡及安靜, 真係各有各好, 而且, 又提提自己, 真的每個人都不同的﹗
同場加映, 濤濤坐小船玩氣球﹗
2011年11月11日 星期五
妹妹來了
今天是妹妹出世的大日子。
一早爸爸及我先一齊送濤濤返學，跟住便入醫院準備生妹妹。
這星期，不知濤濤是否知道妹妹將會到來，佢心情不太好，而且，老師都告訴我們，他在學校時心情也是麻麻，老師話以前都冇咁，這令到我也點擔心他的情況。所以，我同爸爸也十分緊張處理。希望濤濤不會因為妹妹到來而有很的影響！
剛才佢第一次見到妹妹，佢好開心，當大家話佢是哥哥，佢很開心地笑，而且，佢似好喜歡BB咁，加埋堂家姐澄澄及堂細佬澈澈一齊到來，令濤濤更自然地對待妹妹！
Cheery Wan 11年11月11出世的妹妹-黃靖曦，有6個1字，所以佢出世係6.1lbs。哈哈！
妹妹出世時是12：28分，當妹妹從個肚推出來一刻我真的好感動那一刻哭了，那是生哥哥時沒有的，可能因為今次個人清醒點。真的感謝神一直的保守帶領，雖然妹妹不是我想咁咁大仔，但佢一齊都安好，已十分不錯了！
2011年11月9日 星期三
介奶咀
濤濤自小便有個奶咀好朋友, 每天常常陪伴他﹗而且, 每每身體不適這位朋友就十分重要﹗常常陪伴他, 令他安然入睡﹗
其實, 我們常常想濤濤放棄這朋友, 可惜佢真的陪伴濤濤太久了, 雖然, 返學時已沒有用了, 但一不在學校的時間佢就要番這位好朋友﹗所以, 要佢遠離這朋友一點都不易﹗
上週日, 濤濤在教會遇上堂細佬-澈澈, 他當天因為沒有了奶咀而嬲了全部人, 我跟住同濤濤講, 佢都2歲了, 其實都不食奶咀, 跟住濤濤便把奶咀比了亞伯. 亞伯及伯娘那時便讚濤濤叻. 濤濤便很開心﹗不過, 之後就有點慘了﹗
那天不知濤濤知竞沒有奶咀, 故那天全天沒有睡覺, 跟住晚上, 哭了很久才能睡呀﹗而那天晚上也常常哭鬧, 成晚我都似沒有睡咁, 濤濤的哭鬧更是要很久才能平靜下來﹗那晚我想是否太早要濤濤介奶咀, 是否佢心情仍未準備好﹗想了很多是否對濤濤合適﹗不過, 有時好多野都未必要準備好才做的﹗
之後, 一晚濤濤在睡前又是哭鬧要奶咀, 但好明顯比起前一天又好了點﹗那天我們也一起睡, 好明顯佢沒有再為奶咀而哭鬧了﹗而且, 一睡可以到第二天. 昨晚, 也有哭鬧, 又比前一天少一點, 希望每一天濤濤都有點進步﹗雖然, 未知濤濤幾時能真的介掉, 但我想只要堅持便可成功﹗
2011年11月7日 星期一
生日會
我們為濤濤舉行第一次2歲生日會, 咁早﹗係因為濤濤生日那時, 我在坐月中, 因為妹妹將在11月11日出世了﹗故要早一點同佢廢祝﹗
11月5日那天, 我們到了嫲嫲家作第一個生日會. 那天都算齊人呀﹗濤濤都不知那天是生日會, 因為其實, 我們都只係切蛋糕而已. 一攞蛋糕出來, 所有小朋友都已很開心, 我想個個小朋友都喜歡生日蛋糕, 無論是誰生日都是咁開心﹗
濤濤其實一直都冇咩, 似平時咁, 只是在唱生日歌時, 當聽到happy birthday to TOTO. 佢那笑容是多麼真摰的開心及好似人地話中奬咁﹗我這媽媽見到也十分感動呀﹗因為感受到佢真係好開心﹗
之後, 佢成個人好HIGH, 佢回家後都同我講好開心. 願他健康快樂的成長﹗
穎心表姐送的生日禮物﹗
一家人大合照﹗
小朋友爭住偷食及吹CANDLE.
大家請留意濤濤天真的笑容﹗
訂閱：
文章 (Atom)
