MAMA HOUSE

濤濤自返學後多了好多野講呀﹗有時自己自言自語, 有時就不斷同我地講野. 佢近日成日講"番來啦". 當我地問佢去邊時, 佢多數答MA MA HOUSE, 有時又會同我地講BYE BYE, 當我地問佢去邊, 佢又係答MA MA HOUSE, 好攪笑的﹗
昨天, 他開始改了, 不去MA MA HOUSE, 改了去爺爺HOUSE, 佢仲知答咩車喎﹗都幾得意﹗

打波

濤濤自小便喜歡波, 任何類型的波佢也是十分喜歡的﹗氣球, 籃球, 皮球, 網球.......沒有一種佢是不喜歡的, 所以, 我們家中也有不少不同種類的波. 濤濤很喜歡玩波, 並常以不同方法去玩.
而且, 佢好喜歡睇人籃球, 昨天晚上, 爸爸帶同濤濤及皮球一個去籃球場玩, 濤濤勁開心呀﹗
不知將來的濤濤會不會成為籃球選手呢？

濤濤學校生活的一天

學校開放日

上週六及週日是濤濤學校開放日呀﹗那天我們一早便到學校, 濤濤回到學校便很開心了, 我們參觀了不同的主題活動﹗濤濤超級積極參與, 我們當天也玩得很開心﹗
而且, 在參觀時也遇見不到同學仔, 濤濤見到佢地好開心呀﹗不時叫住佢地一齊玩﹗好有趣﹗


在玩探索遊戲.

在做小手工.

發現在光與顏色的關係

在做濤濤最喜歡的汽球.

濤濤第一次見到咁多不同的鼓, 好開心﹗


這是他們的小花園, 濤濤在話我地知, 老師點教佢淋花.

唱歌

濤濤近日開始會唱歌了﹗當我地唱歌時, 佢會跟住一齊唱, 雖然, 未唱到全句, 但你感受到, 佢努力在跟住﹗哈哈...好得意呀﹗佢現在最會的, 當然係學校D歌, 如:太陽伯伯, 吹大波波, 而英文歌, ABC及THE WHEEL ON THE BUS也是他十分喜愛的, 而且, 佢還會點歌呀﹗在睡前我們都會唱歌一番, 佢會叫我唱咩歌, 不可以亂唱的﹗^.^


雖然, 穎心表姐大聲D, 但濤濤也有跟住唱呀﹗

返學後的改變

不經不覺濤濤已返學一個多月了, 在這個多月裡, 很明顯見到的改變就是食飯, 佢學會了坐定定食, 又學會了咩都食, 雖然, 有時仍會好"論盡"食到周圍都係, 但佢好明顯係食多了東西及學會了食東西. 老師對我說, 濤濤在學校食完還會幫手餵其他同學食飯. 見佢返學有咁多進步, 真的辛苦D都值呀﹗

中秋節

今年是濤濤第二年過中秋節, 也是第一次在學校過中秋. 我在上週開始為濤濤預備好中秋節用的燈籠, 本來打算買一個靚靚的, 但最後, 因知道很多家長也親手制作, 故我也不敢殆慢, 為濤濤制作一個小燈籠. 爸爸話我造得不夠靚, 我就諗, 都OK LA, 姐姐話似聖誕裝飾, 攪到我幾無奈. 好在濤濤見到好開心, 咁就已經好夠啦﹗
可惜, 今天濤濤因為發燒沒有返學呀﹗他參加不了學校的中秋活動, 沒想到預備好一切, 怎知病了, 佢今次好似好病呀﹗希望佢快點好番啦﹗
雖然, 過了一個沒有玩燈籠的中秋, 但爸媽能與他一起已很滿足了﹗