朗誦比賽-銀奬

濤濤生生第一奬，就是朗誦比賽！這次參加了普通話朗誦比賽，他得到了銀奬！他很開心得到這奬杯，這也鼓勵了他想在這方面發揮！希望他繼續努力！

參賽詩歌

啄木鳥

啄木鳥本領高

給樹木看看病

尖咀輕輕巧一巧

趕出害蟲一條條

柔和回答

原來, 孩子變好變壞, 父母真的好重要!! 近日, 我發現, 濤濤常常與我作對, 而且情況越來越嚴重, 就似刻意對抗的, 用了很多方法也沒有用。我強硬時, 效果一時是OK, 但之後更難攪。總之, 用了很多方法都改變不了! 心裡一直也不好受, 找朋友, 老師傾過, 都是沒有用!

早前我上了一個親子教育課, 記著講者一句話, 「沒有一個小孩子是喜歡作對的. 一定是有原因,」 那我就試下找出原因。

因為一次返學時, 濤濤要求工人姐姐幫佢換衫, 我決定試下在這方面入手。

以往每早上, 我也為他們準備茶點, 及替妹妹找衣服, 替她更換。濤濤的總要他自己做, 因為覺得他長大要獨立點。不過, 因為要找些地方改變, 我就試下改一下以往的方法, 我開始也幫他找衣服, 問他要不要我換衫？估不到做了兩三天後, 濤濤說了一句:「如果妹妹見到你幫我著襪, 佢一定好嬲來打我。」沒想到, 原來他一直對妹妹粗暴的行為是因為我照顧妹妹太多~!

聽到這一句, 我終於明白到他為什麼會這樣了. 一切也是因為我吧! 感謝主, 讓我知道給機會我改過。跟著我便向濤濤解釋一下, 希望他不要這樣想。

由那天到現在, 我們的關係就改變了, 他少了很多暴力行為, 而且, 在早上返學時, 我都少了勞氣地請他們刷牙洗臉換衫, 少了大家動氣的機會, 多了有傾有講, 以溫柔的方法, 去回應他們這才是一個令人想要的家吧!!

「 回 答 柔 和 ， 使 怒 消 退 ； 言 語 暴 戾 ， 觸 動 怒 氣 。」(箴 言15:1)

沒想到, 小孩子比我更清楚明白這句話!

他們能相親相愛就是美好的事!! 我想這是我能為他們做的事!

小窩心

話咁快曦曦已差不多3歲了, 可能她個子小, 總是覺得他還是很細的. 而且, 他總是令你感到快樂! 這是因為你是女孩子? 還是, 你真的比較懂得看到別人的心意呢? 當你令我勞氣時, 你的一句, 媽媽: 你唔開心呀? 對不起! 真的溶了我的心呢？謝謝你常常帶給我窩心的說話! 那甜蜜的感覺. 感謝天父給我一個可愛又美麗的女兒. 但願他長大不單有外在的美, 內在的美更給引人.

 ＿

她致愛的LET IT GO. 在車等待爸爸時, 她給我娛樂!! 總是給我快樂無比.

踢足球

濤濤第一次去真正踢波, 起初諗住好易...怎知都真的要學的...

濤濤一開始就要學帶波, 佢自己係到走來走去...冇咩人理佢. 佢自己係到試下跟住....

跟住佢地練習了一會後, 便開始試下比賽, 濤濤好開心呀!!因為這是太最期待的, 佢地一隊5人, 分了組便開始了, 每個小朋友都超可愛!! 

因為第一次踢波, 好多攪笑野出現,
1. 常常HAND BALL, 要教練3次警告他.
2. 攻了自己的龍門, 其他小朋友見到好無奈....哈哈..
3. 不專心守龍門比人勁入球, 又比教練話...

兩兄妹對話

一早起床後, 早餐時.....

媽﹕要話換衫啦..
妹﹕我們去邊呀？
媽﹕返學囉! (跟住妹由坐係椅, 變左訓係地下)
妹﹕唔要返學
哥﹕你唔返學？唔可以的呀..
妹﹕(喊住答):唔要返學..
哥﹕咁一係你返工啦
突然靜了......妹呆左, 冇出聲

我同爸爸....哈哈....

哥哥, 你太可愛

昨天濤濤在食早餐時很認真問我一個問題。

濤濤: 媽咪, 第日我唔得閒回來睇你呀!
媽咪: 點解呢？
濤濤: 因為我要做警察
媽咪: 咁做警察都要回來睇我呀....
濤濤: 做警察好忙做賊, 就沒有時間回來睇你啦.
媽咪: 咁你會放工及放假呀, 你放工及放假回來探我未得囉....
濤濤: (佢咪咪嘴笑) 好呀.....好似放下心頭大石咁.
媽咪: 如果你唔回來探我, 我會好傷心的.
濤濤: 我都唔捨得你呀....

妹妹流鼻血

昨天回家時, 濤濤睡了..我們準備下車回家...突然妹妹流鼻血, 我已抱住濤濤, 世忠就去左泊另一車, 我沒有手可以幫妹妹, 有點手忙腳亂。就在我都不知點算, 有點亂時, 只好放下濤濤, 比紙巾妹妹, 妹妹好叻懂得按住, 跟住DADDY來了, 見這情況立刻幫忙。我叫DADDY抱妹妹回家先。跟住我就抱濤濤回家, DADDY抱妹妹, 可惜因為未泊好車, DADDY只能抱到家門口就放下妹妹，叫他自己按住個鼻. 妹妹真係好叻, 佢自己按住, 再等我行回來, 開門入屋後。他自己行入屋, 仲諗方法除鞋, 超級冷靜.
沒想到在這小事上, 我看到這小女孩的冷靜及鎮定。我想將來他一定可以幹一番大事。