踢足球

濤濤第一次去真正踢波, 起初諗住好易...怎知都真的要學的...

濤濤一開始就要學帶波, 佢自己係到走來走去...冇咩人理佢. 佢自己係到試下跟住....

跟住佢地練習了一會後, 便開始試下比賽, 濤濤好開心呀!!因為這是太最期待的, 佢地一隊5人, 分了組便開始了, 每個小朋友都超可愛!! 

因為第一次踢波, 好多攪笑野出現,
1. 常常HAND BALL, 要教練3次警告他.
2. 攻了自己的龍門, 其他小朋友見到好無奈....哈哈..
3. 不專心守龍門比人勁入球, 又比教練話...

兩兄妹對話

一早起床後, 早餐時.....

媽﹕要話換衫啦..
妹﹕我們去邊呀？
媽﹕返學囉! (跟住妹由坐係椅, 變左訓係地下)
妹﹕唔要返學
哥﹕你唔返學？唔可以的呀..
妹﹕(喊住答):唔要返學..
哥﹕咁一係你返工啦
突然靜了......妹呆左, 冇出聲

我同爸爸....哈哈....

哥哥, 你太可愛

昨天濤濤在食早餐時很認真問我一個問題。

濤濤: 媽咪, 第日我唔得閒回來睇你呀!
媽咪: 點解呢？
濤濤: 因為我要做警察
媽咪: 咁做警察都要回來睇我呀....
濤濤: 做警察好忙做賊, 就沒有時間回來睇你啦.
媽咪: 咁你會放工及放假呀, 你放工及放假回來探我未得囉....
濤濤: (佢咪咪嘴笑) 好呀.....好似放下心頭大石咁.
媽咪: 如果你唔回來探我, 我會好傷心的.
濤濤: 我都唔捨得你呀....

妹妹流鼻血

昨天回家時, 濤濤睡了..我們準備下車回家...突然妹妹流鼻血, 我已抱住濤濤, 世忠就去左泊另一車, 我沒有手可以幫妹妹, 有點手忙腳亂。就在我都不知點算, 有點亂時, 只好放下濤濤, 比紙巾妹妹, 妹妹好叻懂得按住, 跟住DADDY來了, 見這情況立刻幫忙。我叫DADDY抱妹妹回家先。跟住我就抱濤濤回家, DADDY抱妹妹, 可惜因為未泊好車, DADDY只能抱到家門口就放下妹妹，叫他自己按住個鼻. 妹妹真係好叻, 佢自己按住, 再等我行回來, 開門入屋後。他自己行入屋, 仲諗方法除鞋, 超級冷靜.
沒想到在這小事上, 我看到這小女孩的冷靜及鎮定。我想將來他一定可以幹一番大事。

自游玩

太陽伯伯

很開心可以著雨衣

妹妹著上雨衣, 拍下自己的樣子

好像已下了一週的雨, 這些天氣真的是令人覺得悶悶的....很難得, 今早起床發現了太陽出來了. 這令我們幾個也很開心, 雖然, 知道可能只是一時間的, 但也足以令人有開心的感覺!!! 不單我, 濤濤和妹妹也十分開心, 濤濤一出來, 開心看著太陽, 妹妺更唱起太陽伯伯.....令大家都有一個愉快的開始.

 

見到太陽大家也很開心

妹妹又開始玩自拍

讀圖書

 每天我有時也煩惱放工回家後與他們做什麼好呢？ 有時見到朋友呀...親戚都好用心為子女預備一些親子活動. 但自問自己沒有這頭惱, 可能本我自己不喜歡玩的人, 所以, 叫我想玩的東西一點都不易. 感謝, 我與爸爸能互相補足, 他總是與他們玩得很開心的. 就像昨晚, 只是讀一下圖書已令他們樂此不疲了!!
做父母的, 最開心莫過於, 見到他們笑得開心, 玩得愉快!! 希望爸爸繼續發揮他的小宇宙, 加添家中歡樂的氣氛.