4個月

轉眼間, 濤濤就4個月了, 4個月佢有咩唔同？第一佢變了光頭仔啦﹗第二佢學會了大笑﹗第三佢懂得影相時望鏡頭﹗第四是佢變了4小時才食一次奶﹗第五佢很喜歡睇電視﹗第六佢開始想去攞玩具﹗第七佢懂得攞開D野, 例如在佢身上的紗巾﹗第八完全可以將隻手放入口﹗其實, 改變不是很多﹗見著他一天一天成長, 實在很開心呢﹗

病了

今次是濤濤第二次病﹗不知是否現在的菌真的好利害, 今次我感覺佢辛苦好多, 一來因為佢勁咳, 二來, 佢個鼻又勁塞﹗攪到奶又唔係好食到, "訓"覺又"訓"得唔好, 真係好慘呢﹗ 但好好的係, 濤濤沒有因為病而好扭計, 而且, 佢還可以同我們玩, 可見佢都應不是好嚴重﹗但病始終係病, 見佢咳到嘔時, 心真的有點痛呢﹗

對上一次濤濤病時, 是一個多月的時候, 事隔差不多3個月, 估不到濤濤在食葯水一事上, 他叻了很多﹗佢叻, 不是乖乖地咁食, 而是佢學會了唔打開口﹗而且, 仲合得好實那仲﹗都幾攪笑的, 因為佢一講野我地就比葯水佢食, 所以, 攪到佢這兩天也少講野了﹗哈哈.......雖然, 佢現在沒有好似細時, 一食到葯水就勁掙扎或喊, 但係佢好快便把葯水吐出來﹗見佢食葯水雖然有點辛苦及唔開心, 但其實在食葯水的過程中, 濤濤都幾攪笑﹗例如﹕佢用方法令你餵唔到佢啦﹗佢食完葯水勁眼"訓"但又要堅持同你玩的攪笑樣啦﹗仲有, 你餵完佢食葯水佢好慘地投訴的樣子......這都真係好可愛﹗希望佢將來長大後, 跟現在一樣無論生活遇到咩事, 都可以開心咁面對啦﹗



以下是佢在食葯水的過程

口水仔

口水仔....不是話濤濤多口水, 而是佢多野講﹗爺爺及嫲嫲常常話濤濤好多野講﹗事實上都係, 佢好鍾意同人傾計, 就算冇人同佢講, 佢都會自己係咁講﹗真係好想知佢講咩呢？爺爺話將來濤濤一定係口水佬勁多野講﹗爸爸就話要訓練佢成為律師﹗我心裡想佢不是自閉或者不用擔心佢遲遲都唔講野咁已經很好呀﹗其實, 將來係點真係不知, 但好感恩濤濤都算是個開心的bb, 因為佢好易便笑, 好易同人傾計, 令人都好易喜歡佢﹗這一切真的好感謝神﹗願濤濤成長後都是一個開心, 喜樂及帶給別人快樂的人﹗

以下是他自言自語.....

play with daddy

濤濤每天都同爸爸玩, 我覺他很喜歡爸爸﹗因為爸爸很用心, 用力同佢玩﹗而且, 每次爸爸同佢玩佢也是勁開心的﹗比你地睇下佢有幾開心啦﹗

想聽到濤濤的笑聲, 就開大聲d個speaker啦﹗

光頭look

有d多人話濤濤光頭好得意, 我就覺得佢有頭髮好睇d﹗比大家再睇多d 濤濤這個光頭look啦﹗

上髮型屋

上週六, 我們帶濤濤去剪頭髮﹗

點解要帶濤濤去剪頭髮, 係因為爸爸媽媽想濤濤d頭髮生得靚d囉﹗哈哈...其實也是藉口, 可能我們好想見到濤濤光頭的樣子啦﹗那天我們下午去到髮型屋, 到達時濤濤是睡著了的, 我們叫醒他, 他好乖沒有什麼不滿(但我諗濤濤應覺得我們好麻煩, 因為成日都攪住佢﹗), 濤濤起身後, 我們便開始剪頭髮﹗髮型師是濤濤公公的朋友, 自小他也替我剪頭髮的﹗這髮型師可話為幫過我家3代剪頭髮﹗ 講番濤濤..一開始啦﹗當爸爸便抱著他坐在剪頭髮的椅上, 濤濤好乖沒有什麼掙扎, 那髮型師亦小心翼翼地幫濤濤剃頭髮, 我們睇住佢的頭髮慢慢冇曬, 好得意的﹗到剪到後期濤濤才開始喊, 不過, 佢喊都不是因為有人攪佢個頭, 係因為爸爸抱姿令他不適. 好在那時已經差不多完成﹗


在等待師父來, 濤濤都未完全醒﹗


開始剪頭髮﹗

唔知..濤濤是否在諗:你地攪咩鬼呀﹗

完成了﹗

變了光頭仔的濤濤, 是否變得可愛點呢？爸爸又話他是全世界最可愛的光頭仔﹗

全世界最可愛的bb?!

濤濤現在已有3個多月了, 他對我們所做的事反應也多了. 例如﹕有時你會覺得佢似不喜歡你的, 因為我怎樣令佢望我, 佢都一眼不看﹗又有時有時佢會知你不喜歡佢食手, 你望住佢時佢會唔食, 當你擰轉頭佢立刻把隻手放入個口﹗又有時佢會同你玩, 笑到"卡卡"聲﹗又有時佢一看到你便會笑﹗又有時佢會同你傾下計或投訴一下咁﹗又有時佢會食食下奶同你傾計及玩.....總之, 佢現在反應多多令到大家都好開心﹗
現在多反應的濤濤, 佢最得爸爸的歡心, 佢不知氹得佢爸爸幾開心啦﹗爸爸近日最喜歡形容濤濤為"全世界最可愛的bb", 我常問爸爸, 不是個個bb都可愛嗎？爸爸話"唔係﹗"哈.....我都估到佢咁講﹗爸爸不單止同我一個人講"濤濤是全世界最可愛的bb", 其實, 佢同任何一個人都會咁講, 有好多人仲寸番佢, "咩, 唔係全宇宙咩﹗"爸爸當然也會答"係,應是全宇宙"﹗我真的覺得好攪笑, 爸爸好似過份戀慕濤濤咁﹗濤濤笑下佢又話勁可愛, 沖涼又話勁得意, 我想濤濤做咩都好, 係佢心中都係-全世界最可愛的bb﹗我想一想, 為什麼我沒有爸爸咁呢？或許, 因為我想每一個人都會覺得自己的仔女可愛的﹗只是爸爸佢太誇張了﹗哈哈﹗